Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstanda alǵash ret avtojolǵa jylý datchıkteri ornatyldy

2022 jyldyń 23 qańtar 2022 09:15

QARAǴANDY. QazAqparat – QazjolǴZI qyzmetkerleri Aqtoǵaı – Balqash avtomobıl jolynyń 415-shi shaqyrym ýchaskesindegi jol konstrýktsııasynyń sý-jylý rejımine monıtorıng júrgizetin datchık ornatty, dep habarlaıdy QazAqparat tilshisi.

Bul monıtorıng júıesi Qazaqstannyń jol jelisinde alǵash ret qoldanylady jáne arnaıy qurastyrylǵan.

Ol statsıonarlyq baqylaý núktelerinde jol konstrýktsııasynyń sý-jylý rejımi parametrlerin avtomatty túrde jınaýdy júzege asyrady jáne monıtorıng ortalyǵynda derekterdi shoǵyrlandyrady.

QazjolǴZI zerthanasynda datchıkterdiń árbir jıyntyǵyn ornatý aldynda olardy kalıbrleý júrgizildi.

Kalıbrleý jol tóseminiń materıaldary men jer tóseminiń topyraqtarynyń ártúrli túrleri úshin júzege asyryldy.




Sondaı-aq, eksperımenttik ýchaskede datchıkterdi ornatý kezinde baǵdarlamalyq qamtamasyz etýdi pysyqtaý/baıqaýdan ótkizý, servermen qosylý, GPRS arnalary boıynsha monıtorıng ortalyǵyna statsıonarlyq baqylaý núkteleriniń (TQK) derekterin berý úshin jelini kúıge keltirýdi júrgizý jáne t. b. talap etiletinin atap ótý qajet.

Ornatylǵan datchıkter Qazaqstannyń ártúrli klımattyq jaǵdaılary kezinde jol konstrýktsııasynyń sý-jylý rejımine tolyq aýqymdy zertteýler júrgizýge múmkindik beredi. Bul klımattyń ózgerýin eskere otyryp, elimizdiń túrli óńirlerinde avtomobıl joldaryn salý, rekonstrýktsııa jáne jóndeý tehnologııasyn túzetýge múmkindik beredi.





Joǵary qaraı