Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda alǵash ret zymyran shabýylyna qarsy qorǵanystyń tıimdi júıesi ázirlenbek

2021 jyldyń 25 qyrkúıek 2021 17:33

NUR-SULTAN. QazAqparat – Qazaqstan tarıhynda alǵash ret áýe-ǵaryshtyq jáne zymyran shabýylyna qarsy qorǵanystyń tıimdi júıesiniń elementterin qalyptastyrý josparlanyp otyr. Bul týraly másele Qazaqstan Prezıdenti Qasym-Jomart Toqaev bekitken Qarýly Kúshterdi, basqa da áskerler men áskerı qurylymdardy qurýdyń jáne damytýdyń jańa tujyrymdamasynda qamtylǵan, dep habarlaıdy QazAqparat.

Tujyrymdamada, eldiń orasan zor aýmaǵyn jáne shekaralardyń uzaqtyǵyn eskere otyryp, áskerı-kólik avıatsııasynyń kúshteri men quraldaryn jetildirý arqyly áskerlerdiń mobıldiligin arttyrý sharalary qarastyrylǵan.

Sondaı-aq, arnaıy operatsııalardy oryndaıtyn kúshterdi damytýǵa basa mán berilgen. Qoǵamnyń barlyq salasyn tsıfrlandyrý sheńberinde Qarýly Kúshterdiń kıber- jáne aqparattyq keńistiktegi is-áreketter jónindegi áleýeti kúsheıtiledi.

«Qos maqsattaǵy», ıaǵnı soǵys jáne beıbit ýaqytta, sonyń ishinde tótenshe jaǵdaılardyń saldaryn joıý úshin qoldanylatyn komponentterdi damytý josparlanǵan. Eń aldymen, mundaı quramdarǵa áskerı medıtsına, radıatsııalyq, hımııalyq jáne bıologııalyq qorǵanys áskerleri, ınjenerlik áskerler, áskerı-kóliktik avıatsııa jatqyzyldy.


Joǵary qaraı