Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstanda alıment kólemi óse me – mınıstr jaýap berdi

2021 jyldyń 29 jeltoqsan 2021 14:38

NUR-SULTAN. QazAqparat – Ortalyq kommýnıkatsııalar qyzmetinde ótken brıfıngide QR Ádilet mınıstri Marat Beketaev alıment tóleý jáne óndirý júıesindegi ózgeristerge toqtaldy, dep habarlaıdy QazAqparat tilshisi.

«Alıment kólemi óse me? Alıment tóleý mehınzmine qatysty qandaı da bir ózgerister bola ma?», - dep surady jýrnalıst spıkerden.

Marat Beketaev alıment kólemi ózgermeıtinin aıtty.

«Alıment kólemine baılanysty eshqandaı ózgeris bolmaıdy. Tek qana jeke sot oryndaýshylar óz jumysyn jaqsyraq istese alıment kóbirek tólenetin boldy. Biraq boryshkerdiń eshqandaı jumysy, múlki joq bolsa, bul - jeke sot oryndaýshynyń kinási emes, tek boryshkerdiń kinási», - dedi mınıstr.

Osy brıfıngide Marat Beketaev «El tiregi» bastamashyl tobynyń nege tirkeýden óte almaı júrgenin aıtty.

«Nelikten? Sebebi onyń negizgi uıymdastyrýshysy – Nurjan Áltaev. Ol birneshe ret túrli alańdarda, túrli forýmdarda ózderin tirkeýden negizsiz bas tartylǵanyn málimdedi. Munda eki máseleni atap ótý kerek. Qujattaryn qaıta-qaıta usynǵanymen, is júzinde ózgermetilmegen. Qaıta-qaıta bir jıyntyqty ákele beredi. Biz anyqtap kórsetken kemshilikterdi túzetpesten 16 ret usyndy. «Nege olaı istep júr» degen suraq týyndaıdy. Múmkin, tirkeýden óte almaı júrgen saıası qurbannyń beınesin jasaý áreketi baıqalatyn shyǵar. Qujattaryn ózgertpesten ákele bergendikten, biz ony tirkeýden bas tartanymyzdy málimdeýge májbúrmiz», - dedi vedomstvo basshysy.


Joǵary qaraı