Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstanda Almatyny qoldaýǵa arnalǵan mýzykalyq chellendj bastaldy

2022 jyldyń 21 qańtar 2022 10:44

NUR-SULTAN. QazAqparat - Aqmola oblysynyń Qazaqstan halqy Assambleıasy Almaty qalasynyń turǵyndaryn qoldaý maqsatynda chellendj bastady, dep habarlaıdy QazAqparat.

Aqmola oblysynyń etnomádenı birlestikteri respýblıka azamattaryn osy qıyn kezeńde Almaty turǵyndaryn qoldaý úshin búkilhalyqtyq chellendjge qatysýǵa shaqyrdy.

Aktsııanyń maqsaty - radıkaldy tonaýshylar shabýylynyń qurbany bolǵan Almaty qalasy turǵyndaryna qoldaý kórsetý.

«Osy qıyn ýaqytta barlyǵymyzdyń birigip, Almaty turǵyndaryn qoldaýymyz óte mańyzdy. Bizdi myńdaǵan shaqyrym bólip tursa da, biz qoǵamǵa shyn júrekten olarmen birge ekendigimizdi jáne árqashan kómek berýge daıyn ekendigimizdi kórsetkimiz keledi. Sol sebepti Aqmola oblystyq Qazaqstan halqy Assambleıasynyń atynan Almaty qalasyn qoldaý týraly chellendjin jarııalaımyz», – dep málimdedi uıymdastyrýshylar.

Chellendj aıasynda árbir tilek bildirýshi Almaty týraly ánniń beınejazbasyn jazyp, ony áleýmettik jelilerde #KúshimizBirlikte jáne #SılavEdınstve heshtegterimen ornalastyra alady.

Qazirgi ýaqytta aktsııany Aqtóbe jáne Pavlodar oblystarynyń Qazaqstan halqy Assambleıasy ókilderi, sondaı-aq Almaty qalasynyń «Assambleıa jastary» qoǵamdyq birlestiginiń belsendileri qoldady.



Joǵary qaraı