Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda apta ishinde bolǵan kadrlyq taǵaıyndaýlar

2021 jyldyń 1 tamyz 2021 12:04

NUR-SULTAN. QazAqparat – Osy apta ishinde elimizde birneshe kadrlyq aýys-túıis boldy. QazAqparat agenttigi shildeniń sońǵy aptasyndaǵy taǵaıyndaýlarǵa sholý usynady.

Apta basynda QR Prezıdenti Qasym-Jomart Toqaevtyń ókimderimen birqatar taǵaıyndaýlar boldy. Memleket basshysynyń ókimderimen:

Ermek Aldabergenuly Saǵymbaev Qazaqstan Respýblıkasy Memlekettik kúzet qyzmeti bastyǵynyń orynbasary laýazymyna taǵaıyndaldy, ol Qazaqstan Respýblıkasy Memlekettik kúzet qyzmeti bastyǵynyń orynbasary – Qazaqstan Respýblıkasy Prezıdentiniń Kúzet qyzmetiniń bastyǵy laýazymynan bosatyldy;

Sáken Saıynuly Isabekov Qazaqstan Respýblıkasy Memlekettik kúzet qyzmeti bastyǵynyń orynbasary – Qazaqstan Respýblıkasy Prezıdentiniń Kúzet qyzmetiniń bastyǵy laýazymyna taǵaıyndaldy.

Sáken Saıynuly Isabekov Qazaqstan Respýblıkasy Memlekettik kúzet qyzmeti bastyǵynyń orynbasary – Qazaqstan Respýblıkasy Prezıdentiniń Kúzet qyzmetiniń bastyǵy laýazymyna taǵaıyndaldy. Sondaı-aq, Memleket basshysynyń ókimimen Talǵat Sábıtuly Muhtarov Qazaqstan Respýblıkasy Memlekettik kúzet qyzmeti bastyǵynyń orynbasary laýazymynan basqa jumysqa aýysýyna baılanysty bosatyldy.

QR Aýyl sharýashylyǵy mınıstriniń mindetin atqarýshy E. Qarashókeevtiń buıryǵymen AShM Jer resýrstaryn basqarý komıtetiniń tóraǵasy Murat Temirjanov Jerdi paıdalaný men qorǵaý jónindegi Bas memlekettik ınspektory bolyp taǵaıyndaldy.

Murat Temirjanov 1977 jyly Aqmola oblysynda týǵan. Sh. Ýálıhanov atyndaǵy Kókshetaý ýnıversıtetin, Qazaq gýmanıtarlyq zań ýnıversıtetin bitirgen. Eńbek jolyn 1998 jyly Kókshetaý qalasynda salyq ınspektory bolyp bastaǵan. 2001 jyly Zerendi aýdany boıynsha salyq basqarmasy tóraǵasy orynbasarynyń mindetin atqarýshy boldy. Túrli jyldary jeke menshik qurylymdarda basshylyq qyzmetter atqardy. 2013-2014 jyldary QR Prezıdent Ákimshiligi Qaýipsizdik Keńesiniń sıtýatsııa ortalyǵynyń konsýltantynyń mindetin atqarýshy, konsýltanty boldy. 2016-2021 jyldary — VI shaqyrylymyndaǵy Qazaqstan Respýblıkasy Parlament Májilisiniń depýtaty, agrarlyq máseleler komıtetiniń múshesi. 2021 qańtar aıynan naýryz aıyna deıin — QR Aýyl sharýashylyǵy mınıstriniń keńesshisi. 2 naýryzda Jer resýrstaryn basqarý komıtetiniń tóraǵasy bolyp taǵaıyndalǵan edi.

Sonymen birge, bul aptada «Qaztemirtrans» AQ basqarma tóraǵasy bolyp Erkin Bazarhanov taǵaıyndaldy. «Qaztemirtrans» AQ - QR júk vagony parkiniń iri operatory. Kompanııa júk vagondarymen qamtamasyz etý, temir jol kóligin jalǵa berý, metall jıyntyqtaryn saqtaý jáne paıdalanýǵa berýmen aınalysady.

Erkin Bazarhanov burynǵy Taldyqorǵan oblysynda týǵan. Ál-Farabı atyndaǵy Qazaq ulttyq ýnıversıtetin, «Turan» ýnıversıtetin, «tarıh jáne qoǵamtaný pániniń oqytýshysy», «zańger» mamandyǵy boıynsha bitirgen. Eńbek jolyn 1994 jyly Almaty oblysy Úshtóbe qalasy «Samal» shaǵyn kásipornynyń dırektory bolyp bastaǵan. Túrli jyldary ártúrli memlekettik qyzmetterdi atqarǵan. 2009-2013 jyldary Aqmola oblysy Býrabaı aýdany ákiminiń orynbasary bolǵan. 2013 jyldan bastap Soltústik Qazaqstan oblysy Temirıazev aýdanynyń ákimi bolyp jumys istegen. QR Prezıdent ákimshiligi memlekettik baqylaý jáne aýmaqtyq-uıymdastyrý jumysy bóliminiń memlekettik ınspektory bolǵan.

Óńirler boıynsha, Qaraǵandy oblysy ákiminiń jańa orynbasary laýazymyna Vadım Basın taǵaıyndaldy. Ol energetıka, TKSh, ındýstrııalyq-ınnovatsııalyq saıasat jáne ınvestıtsııalar, TJ máselelerine jetekshilik etetin bolady.

Vadım Basın 1962 jyly dúnıege kelgen. 1985 jyly «Taý-ken jumystaryn elektrlendirý jáne avtomattandyrý» mamandyǵy boıynsha Qaraǵandy polıtehnıkalyq ınstıtýtyn, 1990 jyly «Ónerkásiptik elektronıka mamandyǵy boıynsha Tomsk avtomattandyrylǵan basqarý júıeleri jáne radıoelektronıka ınstıtýtyn aıaqtady. Eńbek jolyn 1986 jyly bastaǵan. Qaraǵandy metallýrgııa kombınatynda aglotsehtiń ınjener-elektrıgi, aglotseh bastyǵynyń elektr óńdeý jónindegi orynbasary bolyp jumys istedi. 2003 jyly «Ispat-Karmet AQ bas energetıgi boldy. 2011 jyldan bastap «ArselorMıttal Temirtaý» AQ Basqarma dırektsııasynyń jóndeý jónindegi dırektory qyzmetin atqardy. 2013 jyly «ArselorMıttal Temirtaý» AQ jóndeý jónindegi atqarýshy dırektorynyń orynbasary, keıin osy kompanııanyń basqarý dırektsııasynyń óndiris jónindegi dırektory bolyp taǵaıyndaldy. 2017 jyldan bastap «ArselorMıttal Temirtaý» AQ atqarýshy dırektory bolyp jumys istedi. Vadım Basın «Qazaqstannyń Eńbek Eri» ataǵyna ıe boldy, «Otan» jáne «Qurmet» ordenderimen marapattaldy.

Atyraý oblysynyń Inder aýdanyna jańa ákim bolyp Salaýat Óteǵululy Óteǵulov taǵaıyndaldy.

Salaýat Óteǵulov 1984 jyly Atyraý oblysynyń Inder aýdanynda dúnıege kelgen. Bilimi joǵary, 2006 jyly Oral qalasyndaǵy Eńbek jáne áleýmettik qatynastar akademııasyn ekonomıst, 2015 jyly Batys Qazaqstan ınjerenerlik-gýmanıtarlyq ýnıverstıtetin zańger mamandyǵymen bitirgen. Eńbek jolyn 2006-2007 jyldary oblystyq dene tárbıesi jáne sport basqarmasynda bas maman bolyp bastaǵan. 2007-2019 jyldary oblystyq ekonomıka jáne bıýdjettik josparlaý departamentinde, keıinnen atalǵan basqarmada bas maman, bólim basshysy, basqarma basshysynyń orynbasary bolǵan. Al, 2019 jyldyń shildesinen beri Inder aýdany ákiminiń orynbasary qyzmetin atqaryp keldi.

Al Qyzylorda oblysynyń ákiminiń ókimimen oblystyq jer qatynastary basqarmasynyń basshysy qyzmetine Medet Ýsaın taǵaıyndaldy.

M. Ýsaın 1987 jyly dúnıege kelgen. Q. Sátbaev atyndaǵy qazaq ulttyq tehnıkalyq ýnıversıtetin «Kólik, kólik tehnıkasy jáne tehnologııasy», Qorqyt ata atyndaǵy Qyzylorda memlekettik ýnıversıtetin «Qarjy» mamandyqtary boıynsha bitirgen. Eńbek jolyn Qyzylorda oblysynyń jolaýshylar kóligi jáne avtomobıl joldary basqarmasynyń bas mamany retinde bastaǵan. 2012-2016 jyldary – Qyzylorda oblysynyń kásipkerlik jáne ónerkásip basqarmasynyń bas mamany, Qyzylorda oblysynyń energetıka jáne turǵyn úı-kommýnaldyq sharýashylyq basqarmasynyń bólim basshysy, basqarma basshysynyń orynbasary bolǵan. Al 2016-2020 jyldary Qyzylorda oblysynyń energetıka jáne turǵyn úı-kommýnaldyq sharýashylyq basqarmasynyń basshysy qyzmetin atqarsa, 2020 jyldyń mamyr aıynan oblystyq jumyldyrý daıyndyǵy basqarmasynyń basshysy boldy.

Sondaı-aq, SQO aýyl sharýashylyǵy jáne jer qatynastary basqarmasyn budan bylaı Meıram Meńdibaev basqarmaq.

Meıram Jaqsylyquly 1971 jyly 6 qarashada SQO M.Jumabaev aýdanynda týǵan. Petropavl esep-ekonomıkalyq tehnıkýmyn «tehnık-qurylysshy», Kókshetaý ýnıversıtetin «ıýrısprýdentsııa» jáne Soltústik Qazaqstan kásiptik-pedagogıkalyq kolledjin «jerge ornalastyrýshy» mamandyǵy boıynsha bitirgen. Eńbek jolyn 1991 jyly SQO burynǵy Býlaev aýdany «Qazaqstanǵa 40 jyl» sovhozynyń qurylys bóliminiń aǵash ustasy bolyp bastaǵan. Keıin Býlaev aýdany ákimi apparatynyń aýdandyq sáýletshisi, Býlaev qalasy ákimi apparatynyń bas mamany, SQO jer resýrstaryn basqarý komıtetiniń bas mamany, SQO M.Jumabaev aýdany jer qatynastary bóliminiń bastyǵy, Petropavl qalalyq jer qatynastary bólimi bastyǵynyń orynbasary, SQO ákimdigi jer ınspektsııasy basqarmasynyń basshysy bolyp eńbek etti. 2018 jylǵy qarashadan osy taǵaıyndaýǵa deıin Nur-Sultan qalasynda QR Aýyl sharýashylyǵy mınıstrligi jer resýrstaryn basqarý komıtetiniń jerdi paıdalaný men qorǵaýdy, geodezııalyq qyzmetti memlekettik baqylaý basqarmasynyń basshysy boldy.


Avtor Aıjan Serikjanqyzy
Basty sózder: Qoǵam, Taǵaıyndaý,
Joǵary qaraı