Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda apta ishinde bolǵan kadrlyq taǵaıyndaýlar

2021 jyldyń 26 qyrkúıek 2021 12:32

NUR-SULTAN. QazAqparat – Ótip bara jatqan apta ishinde Memlekettik kirister komıteti tóraǵasynyń jańa orynbasary qyzmetine kirisip, Qazposhtaǵa jańa basshy taǵaıyndaldy. Sonymen qatar otandyq telearnalarda da kadrlyq aýys-túıis oryn aldy. QazAqparat oqyrman nazaryna osy apta ishindegi jańa taǵaıyndaýlarǵa sholý usynady.

Sonymen QR Qarjy mınıstriniń buıryǵymen Memlekettik kirister komıteti tóraǵasynyń orynbasary qyzmetine Baqytjan Slıamov taǵaıyndaldy.

Slıamov Baqytjan Orazǵalıuly, 1983 jyly týǵan. 2006 jyly Qazaq gýmanıtarlyq zań ýnıversıtetin zańger mamandyǵy boıynsha, 2009 jyly - Shákárim atyndaǵy Semeı memlekettik ýnıversıtetin qarjy bakalavry mamandyǵy boıynsha bitirgen. Eńbek jolyn 2005 jyly «Jeti Jarǵy» JShS zań fırmasynda zań keńesshisinen bastap, dırektorǵa deıin jetti. 2009 jyldyń qazanynda QR Parlamenti Májilisiniń Keńsesinde memlekettik qyzmetke depýtattyń kómekshisi retinde qabyldandy, onda 2014 jyldyń qańtaryna deıin jumys istedi. 2014 jyldyń qańtarynan 2019 jyldyń sáýirine deıin QR Prezıdenti Ákimshiliginiń Áleýmettik-ekonomıkalyq monıtorıng bóliminde sarapshy, keńesshi, ınspektor bolyp jumys istedi. 2019 jyldyń sáýir aıynan bastap sońǵy taǵaıyndalǵanǵa deıin QR Qarjy mınıstrligi Memlekettik kirister komıtetiniń Adam resýrstary jáne ishki basqarý departamentiniń dırektory qyzmetin atqardy.

«Samuryq-Qazyna» AQ basqarmasynyń sheshimimen Serik Bolatuly Saýdabaev «Qazposhta» AQ basqarma tóraǵasy qyzmetine kiristi.

Serik Saýdabaev 1977 jyly Almaty qalasynda dúnıege kelgen.

Abaı atyndaǵy Almaty memlekettik ýnıversıtetin, Rysqulova atyndaǵy Qazaq ekonomıkalyq ýnıversıtetin bitirgen. Eńbek jolyn 2000 jyly aǵa zań keńesshisi qyzmetinen bastaǵan.

2002-2003 jyldary — «Astanatelekom» keńeıtilgen servıs ortalyǵynyń ınjeneri.

2003-2010 jyldary — «Qazaqtelekom» AQ-da túrli qyzmetter atqarǵan.

2010-2014 jyldary — «Samuryq-Qazyna» AQ kommýnıkatsııalyq aktıvterdi basqarý jónindegi dırektory.

2014-2016 jyldary — «Samuryq-Qazyna» AQ kólik-kommýnıkatsııa aktıvterin basqarý jónindegi bas dırektordyń orynbasary.

2016 jyldan bastap qazirgi ýaqytqa deıin — «Samuryq-Qazyna» AQ «Kommýnıkatsııalar» dırektsııasynyń dırektory.

2010 jylǵy shildeden bastap 2021 jylǵy aqpanǵa deıin — «Qazaqtelekom» Dırektorlar keńesiniń múshesi.

2021 jylǵy sáýirden bastap qazirgi ýaqytqa deıin — «Qazaqtelekom» Dırektorlar keńesiniń múshesi. 2010 jylǵy shildeden 2014 jylǵy naýryzǵa deıin — «Qazposhta» Dırektorlar keńesiniń múshesi. 2016 jylǵy qazannan bastap qazirgi ýaqytqa deıin — «Qazposhta» Dırektorlar keńesiniń múshesi.

2021 jylǵy aqpannan bastap qazirgi ýaqytqa deıin — «Kcell» Dırektorlar keńesiniń múshesi. 2017 jylǵy tamyzdan bastap qazirgi ýaqytqa deıin — «QazCloud» JShS Baqylaý keńesiniń múshesi.

«Qazaqstan» teleradıokorporatsııasy basshylyǵynyń sheshimimen jýrnalıst Maqpal Jumabaı «Qazaqstan» teleradıokorporatsııasy basqarma tóraǵasynyń orynbasary qyzmetine taǵaıyndaldy.

Maqpal Jumabaı Korporatsııada 13 jyldan beri qyzmet etip keledi.

«Qazaqstan telearnasynyń Tańǵy baǵdarlamalar birlestiginiń shef-redaktory, «Balapan» telearnasynyń shef-redaktory, prodıýseri mindetterin atqardy. 2018 jyldan búginge deıin «Balapan» telearnasynyń dırektory qyzmetin atqaryp keldi.

Al Qymbat Dosjan «Balapan» telearnasynyń dırektory qyzmetine taǵaıyndaldy.

Qymbat Dosjannyń Qazaq televızııasynda 40 jylǵa jýyq ýaqyt tájirıbesi bar.

«Qazaqstan» telearnasy Jańalyqtar qyzmetiniń prodıýser-júrgizýshisi, Qazaq radıosynyń júrgizýshisi, Qazaq radıosynyń Bas redaktory mindetterin atqardy. Qazirgi ýaqytta «Qazaqstan» telearnasyndaǵy «Qymbat jandar» avtorlyq áleýmettik baǵdarlamasynyń júrgizýshisi bolyp isteıdi.

M.Nárikbaev atyndaǵy QazMZÝ basqarma tóraǵasynyń orynbasary Erbolat Muhamedjan Akademııalyq adaldyq lıgasy keńesiniń tóraǵasy bolyp saılandy.

Erbolat Muhamedjan «Atameken TV» arnasy bas prodıýseriniń orynbasary, QR Bilim jáne ǵylym mınıstriniń keńesshisi jáne QR BǴM «Aqparattyq-taldaý ortalyǵy» AQ-nyń basqarýshy dırektory qyzmetterin atqarǵan.


Avtor Marlan Jıembaı
Basty sózder: Taǵaıyndaý,
Joǵary qaraı