Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda apta ishinde bolǵan kadrlyq taǵaıyndaýlar

2021 jyldyń 17 qazan 2021 11:15

NUR-SULTAN. QazAqparat – Elimizde ótken apta ishinde birneshe kadrlyq aýys-túıis boldy, dep habarlaıdy QazAqparat.

14 qazan kúni SQO-da Ǵ.Músirepov atyndaǵy aýdanǵa jańa ákim taǵaıyndaldy

Jańa aýdan ákimin kópshilikke oblys basshysy Qumar Aqsaqalov tanystyrdy.

Bul qyzmetti endi Serik Muhamedıev atqarady. Serik Maqsutuly 1965 jyly Shyǵys Qazaqstan oblysy Kókpekti aýdany Bıaǵash aýylynda dúnıege keldi.

Bilimi joǵary, 1989 jyly ınjener mamandyǵy boıynsha Óskemen qalasynyń qurylys-jol ınstıtýtyn aıaqtaǵan.

Eńbek jolyn 1989 jyly Almaty qalasynyń 2562 Avtotizbekti paıdalaný bóliminiń basshysy bolyp bastady.

1991-2010 jyldar aralyǵynda saýda jáne bıznes salalarynda ekonomıst, saýda-sattyq bóliminiń basshysy, birneshe kompanııanyń dırektory bolyp jumys istedi.

Memlekettik qyzmetke 2010 jyldyń shildesinde keldi. SQO jolaýshylar kóligi jáne avtomobılder joldary basqarmasynda josparlaý jáne smetalyq-sharttyq jumystardy júrgizý bóliminiń bas mamany, jolaýshylar tasymaldaýdy uıymdastyrý bóliminiń bastyǵy, basqarma basshysynyń orynbasary laýazymdarynda 2016 jylǵa deıin qyzmet atqardy.

Buǵan deıin SQO ákimdiginiń qurylys, sáýlet jáne qala qurylysy basqarmasynyń basshysy boldy.

Odan bólek, 15 qazan kúni QR Úkimetiniń qaýlysymen Talǵat Amangeldiuly Momyshev Qazaqstan Respýblıkasynyń Ekologııa, geologııa jáne tabıǵı resýrstar vıtse-mınıstri qyzmetine taǵaıyndaldy.

Talǵat Momyshev 1968 jyly Aqmola oblysynda dúnıege kelgen.

Jambyl gıdromelıoratıvtik-qurylys ınstıtýtyn, Almaty ekonomıka jáne statıstıka ınstıtýtyn támamdaǵan.

Mamandyǵy boıynsha biliktiligi: ınjener-qurylysshy, býhgalter-ekonomıst.

1994-1996 jj. — qazaq-túrik birlesken kásipornynyń atqarýshy dırektory.

1997-1998 jj. — Jambyl standarttaý jáne metrologııa ortalyǵy dırektorynyń memqadaǵalaý jónindegi orynbasary. Ár jyldary jeke kompanııalarda jumys istedi.

1998-1999 jj. — Jambyl oblysy ákimi apparatynyń aǵa referenti.

1999-2000 jj. — Jambyl oblystyq ınvestıtsııalar jáne JES komıtetiniń tóraǵasy.

2000 j. — «Metrologııa» RMK Almaty bólimshesiniń basshysy, «Ulttyq akkredıtteý ortalyǵy» AQ dırektorynyń birinshi orynbasary.

2000-2005 jj. — «Ulttyq saraptama jáne sertıfıkattaý ortalyǵy» AAQ Astana qalasy boıynsha óndiristik basqarmasynyń basshysy.

2005-2010 jj. — Indýstrııa jáne saýda mınıstrliginiń Tehnıkalyq retteý jáne metrologııa komıteti tóraǵasynyń orynbasary.

2010-2014 jj. — Munaı jáne gaz mınıstrliginiń Munaı-gaz keshenindegi memlekettik ınspektsııa komıtetiniń tóraǵasy.

2014-2016 jj. — Energetıka mınıstrliginiń Munaı-gaz keshenindegi Ekologııalyq retteý, baqylaý jáne memlekettik ınspektsııa komıtetiniń tóraǵasy.

2016-2018 jj. — QR Prezıdenti Ákimshiliginiń memlekettik ınspektory.

2018-2019 jj. — Jambyl oblysy ákiminiń orynbasary.

2019-2021 jj. — QR Energetıka mınıstrliginiń jaýapty hatshysy.

2021 jyldyń qańtarynan qazirgi ýaqytqa deıin QR Energetıka mınıstrliginiń apparat basshysy boldy.


Avtor Álı Ibraev
Basty sózder: Taǵaıyndaý,
Joǵary qaraı