Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstanda apta ishinde bolǵan kadrlyq taǵaıyndaýlar

2022 jyldyń 23 qańtar 2022 12:21

NUR-SULTAN. QazAqparat – Elimizde osy apta ishinde birqatar kadrlyq aýys-túıis boldy, dep habarlaıdy QazAqparat.

19 qańtar kúni Memleket basshysynyń ókimimen Erkin Botaqanov Qazaqstan Respýblıkasy Іshki ister mınıstriniń orynbasary – Ulttyq ulannyń Bas qolbasshysy laýazymyna taǵaıyndaldy.

Erkin Botaqanov 1966 jyly týǵan. Úsh joǵary áskerı bilimi bar.

I.S.Konev atyndaǵy Almaty joǵary jalpy áskerı qolbasshylyq ýchılıesin, QR Qarýly kúshteriniń Áskerı akademııasyn, RF Bas shtaby Akademııasyn áskerı mamandyqtar boıynsha támamdaǵan. Qolbasshynyń orynbasary, Іshki áskerler qolbasshysynyń birinshi orynbasary - QR ІІM ІÁ Komıteti tóraǵasynyń orynbasary qyzmetterin atqarǵan.

2009 jyldyń mamyrynda E. Botaqanovqa general-maıor sheni berildi.

2014 jyly Erkin Botaqanov «Ortalyq» aımaqtyq qolbasshylyǵynyń qolbasshysy bolyp taǵaıyndaldy.

19 qańtarda bolǵan taǵy bir taǵaıyndaý Rýslan Jaqsylyqov QR Qorǵanys mınıstri atandy.

Rýslan Fatıhuly 1966 jyly 4 naýryzda Almaty oblysynyń Qaskeleń qalasynda qyzmetshiler otbasynda dúnıege keldi.

Ulty – qazaq. I, II dárejeli «Dańq» ordenimen, Túrkııa Respýblıkasy Qarýly Kúshteriniń Ordenimen jáne KSRO, TMD, Qazaqstan Respýblıkasynyń 40 medalimen nagradtalǵan.

Pedagogıka ǵylymdarynyń kandıdaty. Áskerı ataǵy - general-leıtenant.

1983 jyly Almaty oblysy Qaskelen aýdanynyń Kırov atyndaǵy orta mektebin bitirgennen keıin I.S. Konev atyndaǵy Almaty joǵary jalpy áskerı komandalyq ýchılıesine komandalyq taktıkalyq basshylyq mamandyǵy boıynsha oqýǵa túsip, ony 1987 jyly bitirdi.

1996 jyly M.V.Frýnze atyndaǵy Áskerı akademııasyn komandalyq-shtabtyq jedel-taktıkalyq áskerı barlaý mamandyǵy boıynsha támamdady.

2004 jyly Reseı Federatsııasy QK Bas shtaby Áskerı akademııasynda memlekettiń áskerı qaýipsizdigi mamandyǵy boıynsha Joǵary akademııalyq kýrstaryn aıaqtady.

2003 jyly Shymkent qalasynyń máslıhaty 3-shi shaqyrylymynyń depýtaty bolyp saılandy.

1987 jáne 2006 jyldar aralyǵynda vzvod komandırinen bastap qurama komandırine deıingi ártúrli laýazymdarda qyzmet atqardy.

2006 jáne 2007 jyldar aralyǵynda Qazaqstan Respýblıkasy ІІM Іshki áskerleri Qolbasshysynyń orynbasary.

2007 jáne 2008 jyldar aralyǵynda Qazaqstan Respýblıkasy ІІM Іshki áskerleri Qolbasshysynyń birinshi orynbasary – Qazaqstan Respýblıkasy ІІM Іshki áskerler Bas shtabynyń bastyǵy.

2008 jylǵy 4 qyrkúıekten bastap Qazaqstan Respýblıkasy ІІM Іshki áskerleriniń Qolbasshysy.

2013 jylǵy 22 qantardan bastap Qazaqstan Respýblıkasy ІІM Іshki áskerleriniń Bas qolbasshysy.

2014 jylǵy 24 sáýirinen bastap Qazaqstan Respýblıkasy Ulttyq ulanynynyń Bas qolbasshysy.

2021 jylǵy 29 qyrkúıekten bastap Qazaqstan Respýblıkasy Іshki ister Mınıstriniń orynbasary – Ulttyq ulanynyń Bas qolbasshysy.

2022 jyldyń qańtar aıynan bastap QR Qorǵanys mınıstri.

19 qańtar kúni belgili jýrnalıst Janjigit Omarhan Indýstrııa jáne ınfraqurylymdyq damý mınıstrliginiń baspasóz hatshysy bolyp taǵaıyndaldy

Buǵan deıin Janjigit Omarhan Shyǵys Qazaqstan oblysy ákimdiginde BAQ-pen jumys jónindegi qurylymdardy basqarǵan bolatyn.

Janjigit Omarhan Shákárim atyndaǵy Semeı memlekettik ýnıversıtetinde «Jýrnalıstıka» jáne «Quqyqtaný» mamandyqtary boıynsha bilim alǵan.

Sondaı-aq, Qazaq ınnovatsııalyq gýmanıtarlyq-zań ýnıversıtetin «Memlekettik jáne jergilikti basqarý» mamandyǵy boıynsha támamdaǵan. L.N. Gýmılev atyndaǵy Eýrazııa ulttyq ýnıversıtetiniń «Jýrnalıstıka» mamandyǵy boıynsha magıstratýrasyn bitirgen.

Eńbek jolyn 2009 jyly «Astana» telearnasynda bastap, jýrnalıst-redaktor jáne baǵdarlamalar júrgizýshisi bolyp jumys istedi.

2011-2015 jyldar aralyǵynda «QAZAQSTAN» ulttyq telearnasy men «Eýrazııa - Birinshi arnasynda» baǵdarlamalar men tok-shoýlar júrgizdi.

2016 jyly – «Astana» telearnasynyń «Ózekti» avtorlyq baǵdarlamasynyń jetekshisi jáne júrgizýshisi.

2018-2019 jyldary – Jambyl oblysynyń «Óńirlik kommýnıkatsııalar qyzmeti» kommýnaldyq memlekettik mekemesiniń basshysy, «QazAvtoJol» UK» AQ baspasóz qyzmetiniń jetekshisi.

2019 jyldan 2021 jylǵa deıin – Qazaqstan Respýblıkasy Aýyl sharýashylyǵy mınıstriniń baspasóz hatshysy qyzmetin atqardy.

20 qańtarda Mırbolat Aıýpov «Qazteleradıo» AQ basqarma tóraǵasy bolyp taǵaıyndaldy.

Mırbolat Haıratuly Aıýpov 1963 jyly 26 tamyzda Qaraǵandy qalasynda dúnıege kelgen.

Máskeý ınjenerlik-fızıka ınstıtýtynyń kıbernetıka fakýltetin bitirgen.

1986 jyldary Qaraǵandy Memlekettik tehnıkalyq ýnıversıtetinde ǵylymı jáne oqytýshylyq qyzmetter atqardy.

1998 jyldary «Altel» AQ jáne «Qazaqtelekom» AQ kompanııalarynda basshylyq laýazymda boldy. Ár jyldary «Transtelekom» AQ, «Zerde» Ulttyq ınfokommýnıkatsııa holdıngi» AQ, «Qazmedıa ortalyǵy» basqarýshy kompanııasy» JShS-in basqardy.

Baılanys jáne telekommýnıkatsııa, sondaı-aq, televızııa tehnologııalary salasynda 20 jyldan astam basshylyq qyzmetterdi atqaryp keldi.

«Qurmet» ordeniniń, Qazaqstan Respýblıkasyndaǵy basqa da birqatar medaldar ıegeri, «Qurmetti baılanysshy» degen ataǵy bar.

«Qazteleradıo» AQ basty maqsaty – halyqqa teleradıo habarlaryn taratýdyń túrli jelilerinde memlekettik baǵdarlamalardy tegin qabyldaý múmkindigin qamtamasyz etý. Bul rette birinshi kezektegi mindetter tsıfrlyq efır telehabaryn taratýdy engizý, jerseriktik teleradıo habarlaryn taratý jelisin, memlekettik habar taratý jelilerin damytý, ınternet-habar taratýdy keńeıtý jáne memlekettik aqparattyq saıasat júrgizýdi qamtamasyz etý bolyp otyr.

Beısenbide Berik Berkimbaev QR Memlekettik qyzmet isteri agenttigi tóraǵasynyń orynbasary boldy.

Memleket basshysynyń ókimimen Berik Serikuly Berkimbaev Qazaqstan Respýblıkasynyń Memlekettik qyzmet isteri agenttigi tóraǵasynyń orynbasary bolyp taǵaıyndaldy. Bul týraly Aqorda habarlady.

Odan bólek 20 qańtar kúni Aqtóbe oblystyq kásipkerler palatasynyń jańa dırektory bolyp Dana Bekbaýova taǵaıyndaldy.

Dana Bekbaýova 1977 jyly Aqtóbe qalasynda dúnıege kelgen.

Q. Jubanov atyndaǵy Aqtóbe memlekettik ýnıversıtetin «Qarjy jáne nesıe. Bank isin uıymdastyrý» mamandyǵy boıynsha bitirgen.

2002-2022 jyldary «Aqtóbe áınek» JShS dırektor orynbasary, «Aqtóbe qalasyndaǵy jyljymaıtyn múlik ortalyǵy» RMK, Aqtóbe qalasyndaǵy «ATF Bank» AQ, Aqtóbe qalasyndaǵy «Kaspıı banki» AQ, «Aýyl sharýashylyǵyn qarjylaı qoldaý qory» AQ AF jumys istedi.

2011-2019 jyldar aralyǵynda «Agrarlyq nesıe korporatsııasy» AQ oblystyq fılıalyn basqardy. ÓKP dırektory bolyp taǵaıyndalǵanǵa deıin «Ramazan» JShS bas dırektorynyń orynbasary boldy.


Joǵary qaraı