Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda apta ishinde bolǵan taǵaıyndaýlar

2021 jyldyń 28 aqpan 2021 13:35

NUR-SULTAN. QazAqparat – Osy aptada elimizdiń ortalyq jáne jergilikti atqarýshy organdarynda birqatar kadrlyq aýys-túıis boldy. Máselen, Aqtóbe oblysynda birineshe jańa laýazym ıeleri bekitilip, Aqmola oblysyndaǵy bes aýdanǵa jańa prokýrorlar keldi. QazAqparat osy jáne ózge de taǵaıyndaýlardy oqyrman nazaryna usynady.

***

Osy aptada Murat Nurtileý Qazaqstan Respýblıkasy Prezıdenti Ákimshiligi Basshysynyń orynbasary bolyp taǵaıyndaldy.

«Murat Ábýǵalıuly Nurtileý Qazaqstan Respýblıkasy Prezıdenti Ákimshiligi Basshysynyń orynbasary laýazymyna taǵaıyndalsyn, ol Qazaqstan Respýblıkasy Prezıdentiniń kómekshisi laýazymynan bosatylsyn», - delingen qujatta.

***

QR Úkimetiniń Qaýlysymen Álibek Sákenuly Qýantyrov QR Ulttyq ekonomıka vıtse-mınıstri qyzmetine taǵaıyndaldy.

Álibek Qýantyrov 1983 jyly Atyraý qalasynda týǵan. Tomsk memlekettik ýnıversıtetin, Mıchıgan ýnıversıtetin bitirgen. Eńbek jolyn 2005 jyly QR Ekonomıka jáne bıýdjettik josparlaý mınıstrliginde jetekshi mamannyń m.a. bolyp bastady.

***

Serik Rahmetollauly Egizbaev QR Aqparat jáne qoǵamdyq damý mınıstrliginiń apparat basshysy laýazymyna taǵaıyndaldy.

Serik Egizbaev 1963 jyly Batys Qazaqstan oblysynda dúnıege kelgen. Batys Qazaqstan aýyl sharýashylyǵy ınstıtýtyn, QR Prezıdenti janyndaǵy Memlekettik basqarý akademııasyn, Qazaq memlekettik zań akademııasyn támamdaǵan.

Eńbek jolyn Oral (qazirgi Batys Qazaqstan) oblysyndaǵy «Chapaev» zaýytynda jumysshy bolyp bastady. Aýyl sharýashylyǵy ınstıtýtyn bitirgennen keıin zaýytqa qaıta oraldy.

***

Ernat Arhatuly Muhamadıev QR Mádenıet jáne sport mınıstrliginiń apparatynyń basshysy qyzmetine taǵaıyndaldy.

Ernat Muhamadıev 1988 jyly Taraz qalasynda týǵan. Ál-Farabı atyndaǵy Qazaq ulttyq ýnıversıtetin, Oksford ýnıversıtetin bitirgen.

Eńbek jolyn 2012 jyly «Nazarbaev ortalyǵy» memlekettik mekemesiniń halyqaralyq aqparattar bóliminiń aǵa sarapshysy qyzmetinen bastady. 2014-2016 jyldary QR BǴM Jastar isi departamentinde basshylyq qyzmetter atqardy.

***

Asqar Erbolatuly Úmbetalıev QR Ádilet mınıstrligi apparatynyń basshysy qyzmetine taǵaıyndaldy.

Asqar Úmbetálıev 1980 jyly Qyzylorda oblysynda týǵan. Qazaq memlekettik zań ýnıversıtetin, Almaty ekonomıka ýnıversıtetin, London ekonomıka jáne saıası ilim mektebin (taǵylymdama) bitirgen.

Mamandyǵy boıynsha biliktiligi — quqyqtaný, qarjy bakalavry. Eńbek jolyn 1997 jyly «KazıÝjBodStroı» AQ-da 4-razrıadty montajdaýshy bolyp bastady.

2020 jylǵy jeltoqsannan qazirgi ýaqytqa deıin QR Ádilet mınıstrliginiń Іshki ákimshilendirý departamentiniń dırektory qyzmetin atqardy.

***

QR Sybaılas jemqorlyqqa qarsy is-qımyl agenttiginiń Seriktestik departamentiniń dırektory bolyp Perızat Sádýaqas taǵaıyndaldy.

P. Sádýaqas bul qyzmetke deıin Seriktestik departamenti dırektorynyń orynbasary qyzmetin atqarǵan. Qaraǵandy oblysynda týǵan. Bilimi joǵary. E.A. Bóketov atyndaǵy Qaraǵandy memlekettik ýnıversıtetin «Qazaqstan tarıhy», «Quqyqtaný» mamandyqtary boıynsha bitirgen. Tarıh ǵylymdarynyń kandıdaty.

***

Aqtóbe oblysy Hromtaý aýdanynyń ákimi bolyp Azamat Beket taǵaıyndaldy.

Azamat Beket Qazaq gýmanıtarlyq zań ýnıversıteti men Ekonomıka jáne quqyq akademııasynyń túlegi. Eńbek jolyn 2004 jyly Astana qalasyndaǵy ekonomıkalyq qylmysqa jáne sybaılas jemqorlyqqa qarsy kúres departamentiniń ınspektory bolyp bastaǵan.

Ár jyldary Almaty, Astana qalalarynyń, Batys Qazaqstan, Almaty oblystarynyń ekonomıkalyq qylmysqa jáne sybaılas jemqorlyqqa qarsy kúres departamentterinde eńbek etip, Batys Qazaqstan, Atyraý oblystarynda týrızm, dene shynyqtyrý jáne sport basqarmalaryn, Atyraý oblysynyń Jylyoı aýdanyn basqardy.

2020 jyldyń qyrkúıek aıynan beri Aqtóbe qalasy ákiminiń orynbasary qyzmetin atqardy.

***

Naǵymjan Aldııarov oblystyq qurylys, sáýlet jáne qala qurylysy basqarmasynyń basshysy bolyp taǵaıyndaldy.

Ol M.Tynyshbaev atyndaǵy qazaq memlekettik​ kólik jáne kommýnıkatsııa akademııasynyń túlegi.

Eńbek jolyn 1997-1998 jyldary Aqtóbe qalasyndaǵy «Aqqaıyń» óndiristik kooperatıviniń bas esepshisi bolyp​ bastaǵan. Alǵa aýdany Marjanbulaq aýyldyq okrýginiń ákimi boldy, Aqtóbe qalasynyń turǵyn úı jáne kommýnaldyq​ sharýashylyǵy, jolaýshylar kóligi jáne avtomobıl joldary​ bólimin basqardy. Aqtóbe qalasy ákiminiń orynbasary, Alǵa aýdanynyń ákimi laýazymdaryn atqardy.

***

Aqtóbe oblysy ákiminiń apparat basshysy bolyp Qaırat Raıymqulov taǵaıyndaldy. Ol Ál-Farabı atyndaǵy Qazaq ulttyq ýnıversıtetiniń, qazaq gýmanıtarlyq-zań ýnıversıtetiniń túlegi.

Eńbek jolyn 2010 jyly oblystyq qarjy basqarmasynda jetekshi maman bolyp bastaǵan. Ár túrli jyldary Aqtóbe qalasy ekonomıka jáne qarjy bólimin, Aqtóbe qalasy ákiminiń apparatyn basqaryp, oblystyq qarjy, ekonomıka jáne bıýdjetti josparlaý basqarmalarynyń basshysy orynbasary boldy, oblystyq kásipkerlik basqarmasynda basshylyq qyzmet atqardy.

2020 jyly Prezıdenttiń jastar kadrlyq rezervine kirdi.

2020 jyldyń sáýir aıynan bastap osy ýaqytqa deıin Aqtóbe oblysynyń qarjy basqarmasyn basqaryp keldi.

***

Aqtóbede oblystyq qarjy basqarmasynyń basshysy qyzmetine Nurlybek Ónerbaev taǵaıyndaldy.

Nurlybek Ónerbaev - Q.Jubanov atyndaǵy Aqtóbe memlekettik ýnıversıteti men Qazaq gýmanıtarlyq-zań ýnıversıtetiniń túlegi. Eńbek jolyn 2002 jyly Aqtóbe qalalyq qarjy bóliminde bas maman bolyp bastaǵan.

***

Pavlodar oblysy Aqparat jáne qoǵamdyq damý basqarmasynyń basshysy bolyp Azamat Baıtenov taǵaıyndaldy.

Azamat Baıtenov 1987 jyly Pavlodar oblysynyń Ýspen aýdanynda dúnıege kelgen. 2009 jyly Pavlodar memlekettik pedagogıkalyq ınstıtýtyn «Tarıh» mamandyǵy boıynsha támamdaǵan. 2012 jyly osy joǵary oqý ornynan tarıh magıstri dárejesin aldy.

Eńbek jolyn 2009 jyly №3 Ýspen orta mektebinde tarıh pániniń muǵalimi bolyp bastaǵan.

***

Shymkent qalasy Іshki saıasat jáne jastar isteri jónindegi basqarmasynyń basshysy mindetin atqarýshy bolyp Mádı Manatbekuly taǵaıyndaldy.

Mádı Manatbekuly 1978 jyly 25 mamyrda dúnıege kelgen.

Eńbek jolyn 1998 jyly respýblıkalyq «Nartáýekel» gazetinde tilshilik qyzmetten bastaǵan. 1999 jyly qalalyq «Shymkent kelbeti» gazetinde, 2000 jyldan bastap «Otyrar» telearnasynda jýrnalıst bolyp qyzmet atqarǵan, sporttyq «Topjarǵan», qylmystyq «Oqıǵa izimen» baǵdarlamalarynyń avtory ári júrgizýshisi.

***

Aqmola oblysyndaǵy 5 aýdannyń prokýrorlary taǵaıyndaldy.

QR Bas prokýrorynyń buıryǵymen Zerendi aýdanynyń prokýrory bolyp Asqar Baıjanov, Esil aýdanynyń prokýrory bolyp Ashat Qabdýshev, Birjan Sal aýdanynyń prokýrory bolyp Samat Nurmanbekov, Býrabaı aýdanynyń prokýrory bolyp Baǵdat Sheráli, Qorǵaljyn aýdanynyń prokýrory bolyp Jandos Nurjanov taǵaıyndaldy.

***

Parlamentarızm ınstıtýtynyń dırektory bolyp, burynǵy depýtat Mansurhan Mahambetov taǵaıyndaldy.

Mansurhan Mahambetov – prokýratýra organdarynda, onyń ishinde óńirlerde jumys istegen, tájirıbesi mol kásibı zańger. 1965 jyly týǵan. Qaraǵandy memlekettik ýnıversıtetin «Quqyqtaný» mamandyǵy boıynsha bitirgen.


Avtor Rýslan Ǵabbasov
Basty sózder: Taǵaıyndaý,
Joǵary qaraı