Aýa raıy
Astana -15 °S
Almaty 5 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda aýdandyq mańyzy bar qalalarǵa aýyl mártebesin berý tártibi qandaı

2020 jyldyń 28 qazan 2020 17:23

NUR-SULTAN. QazAqparat – Májilis depýtaty Álııa Saparova Qazaqstanda aýdandyq mańyzy bar qalalarǵa aýyl mártebesin berý tártibi qalaı iske asyrylatynyn túsindirdi, dep habarlaıdy QazAqparat tilshisi.

Eske sala ketsek, Májilis depýtaty Álııa Saparova Parlament Májilisinde «QR-nyń keıbir zańnamalyq aktilerine óńirlerdiń ákimshilik-aýmaqtyq qurylysyn jetildirý máseleleri boıynsha ózgerister men tolyqtyrýlar engizý týraly» zań jobasyn tanystyrǵan bolatyn. Zań jobasyna sáıkes, elimizdegi aýdandyq mańyzy bar 13 qalaǵa aýyl mártebesi beriledi.

Zań jobasyn talqylaý barysynda depýtat Erjan Qudaıbergen osy máselege baılanysty zań jobasyn oqyǵan májilismen Álııa Saparovaǵa suraq qoıdy.

«Atalǵan zań jobasy aýdandyq mańyzy bar qalalardy aýyl etip qaıta qurýdy kózdeıdi. Al endi osy qalalardy aýyl retinde qaıta qurýdyń tártibi qalaı bolady?» - dep surady Erjan Qudaıbergen.

Bul suraqqa jaýap bergen Álııa Saparova aýdandyq mańyzy bar qala ákimderi osy qalalardy aýyldy eldimeken retinde qaıta qurýdy usynysty aýdandyq atqarýshy organdarǵa engizetinin málim etti.

«Aýdan bıligi maquldasa, ondaǵy bılik osy usynysty oblystyq máslıhattar men ákimdikterge joldaıdy. Ol usynys oblys deńgeıinde qoldaý tapsa, Úkimet deńgeıine jiberiledi. Úkimet qoldasa, Memleket basshysyna osyǵan qatysty tıisti usynym engiziledi», - dedi ol.


Joǵary qaraı