Aýa raıy
Astana 5 °S
Almaty 10 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda balalarǵa maska taqpaýǵa ruqsat berildi

2020 jyldyń 1 tamyz 2020 10:55

NUR-SULTAN. QazAqparat - Elimizde balalardyń maska taǵyp júrýin mindetteıtin talaptar ózgerdi, dep habarlaıdy QazAqparat.

Densaýlyq saqtaý mınıstri Alekseı Tsoı «Sanıtarlyq-epıdemııaǵa qarsy jáne sanıtarlyq-profılaktıkalyq is-sharalardy uıymdastyrýdyń jáne ótkizýdiń keıbir máseleleri týraly» 2020 jylǵy 5 shildedegi buıryqqa ózgerister engizdi.

Buıryq mátindegi ózgerister bylaı kórsetilgen:

7) bes jasqa deıingi balalardy qospaǵanda, qoǵamdyq oryndarda, halyqqa barýǵa, qyzmet kórsetýge jáne demalýǵa arnalǵan úı-jaılarda, qoǵamdyq kólikte, sonymen qatar áleýmettik qashyqtyqty eskere otyryp, qoǵamdyq tamaqtaný oryndarynda tamaqtaný kezinde medıtsınalyq nemese matadan jasalǵan maska kııý mindetti;

9) áleýmettik qashyqtyqty saqtaı otyryp, bes jasqa deıingi balalar men jeke, toptyq sport túrlerimen bes adamnan aspaıtyn jeke tulǵalardy qospaǵanda, ashyq jerlerde medıtsınalyq nemese shúberek maskalaryn kııý mindetti bolyp sanalady», - delingen jańartylǵan qujatta.

Eske sala ketsek, 30 shildeden bastap qazaqstandyqtar kóshede maska taǵyp júrýge mindetteldi. Bul týraly eldiń Bas sanıtarlyq memlekettik dárigeri Aıjan Esmaǵambetovanyń qaýlysynda aıtylǵan.

Keıinnen Densaýlyq saqtaý mınıstri Alekseı Tsoı bul ereje tek eresekterge ǵana emes, balalarǵa da qatysty ekenin túsindirdi.

Sonymen qatar, ol jeke qorǵanys quraldaryn barlyq qoǵamdyq oryndarda, sonyń ishinde dámhanalarja, sportpen shuǵyldaný kezinde jáne basqalarynda kııý kerek ekenin aıtqan bolatyn.


Joǵary qaraı