Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda baspanaǵa muqtaj adamdar sany ósýi múmkin

2021 jyldyń 24 qyrkúıek 2021 13:43

NUR-SULTAN. QazAqparat – Qazaqstan Qurylysshylar odaǵynyń basshysy Talǵat Erǵalıev turǵyn úıge muqtajdardyń birneshe ese kóbeıetinin boljap otyr, dep habarlaıdy QazAqparat tilshisi.

«Qazir baspanaǵa muqtaj 2 mln adam bar. Ýrbanızatsııanyń qarqynyn eskersek, baspanaǵa muqtaj taǵy 5 mıllıon adamnyń qalaǵa aǵylatynyn bolaýǵa bolady. Nátıjesinde turǵyn úıge qajettiligi bar halyq sany 7 mıllıonnan asýy múmkin. Biraq bul tek elordada ǵana emes, barlyq qalalarda», - dedi Talǵat Erǵalıev uıym otyrysynyń aldynda BAQ ókilderine bergen suhbatynda.

Ol bul oıyn mynadaı boljamdarmen túsindirdi.

«Aýyl turǵyndary oblys ortalyqtary men qalalarǵa, Nur-Sultan, Shymkent jáne Almaty sııaqty iri qalalarǵa kóshedi. Mundaı jaǵdaı 10 jyl ishinde kútiledi. Óıtkeni, iri qalalar men oblys ortalyqtaryndaǵy ómir súrý deńgeıi aýyldyq jerlerge qaraǵanda jaqsy. Búginde aýylda qajet mamandyqtar boıynsha kóptegen granttar berilip jatyr. ıAǵnı, aýyl jastarynyń oqýǵa kelýi burynǵydan da kóbeıedi. Al qalada biraz ýaqyt oqyp, ómir súrgen adamdar aýylǵa oralǵysy kelmeıdi. Osynyń bárin oılap, kóshi-qon úrdisin osylaı boljap otyrmyz», - dedi Qurylysshylar odaǵynyń basshysy.


Joǵary qaraı