Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda «baılyq nemese sán-saltanat salyǵy» engizile me

2021 jyldyń 25 qarasha 2021 16:40

NUR-SULTAN. QazAqparat – QR Qarjy vıtse-mınıstri Marat Sultanǵazıev Qazaqstanda «baılyq salyǵyn» engizý máselesi 2022 jyly qaralatynyn aıtty, dep habarlaıdy QazAqparat tilshisi.

Búgin Senattyń jalpy otyrysynda senator Murat Baqtııaruly sán-saltanatty zattarǵa arnaıy salyq salý máselesin kóterdi.

«2019 jyly Prezıdent óz Joldaýynda «Jalpy ishki ónim men halyq tabysynyń artýyna qaramastan, qoǵamda múliktik jiktelý úderisi saqtalyp otyr. Bul - alańdatarlyq faktor. Sondyqtan oǵan erekshe nazar aýdarý kerek» degen bolatyn. Osyǵan baılanysty halyqaralyq tájirıbede kóptegen elde bar, sán-saltanatqa arnaıy salyq engizý óte ózekti másele dep esepteımin. Bul jerde qymbat elıtaly jyljymaıtyn múlikter, ushaqtar, ıahtalar, qymbat avtokólikter, zergerlik buıymdar sııaqty sán-saltanatty zattarǵa arnaıy salyq salýdyń ádiletti júıesin qalyptastyrady dep oılaımyn. Bul turǵyda tıisti vedomstvonyń kózqarasy qandaı», - dep surady senator.

Óz kezeginde vıtse-mınıstr M. Sultanǵazıev bul másele qarastyrylyp jatqanyn aıtty.

«Oǵan salyqty biz qarastyryp jatyrmyz. Osy oraıda bıznespen talqylaý jumystary júrip jatyr. Kelesi jyly Úkimettiń jobasymen engiziletin bolady», - dedi Marat Sultanǵazıev.



Joǵary qaraı