Aýa raıy
Astana -3 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda bes jylda munaı óndirý 100 mln tonnaǵa deıin ósedi

2020 jyldyń 19 qarasha 2020 10:42

NUR-SULTAN. QazAqparat – Taýarlar eksporty 2021 jylǵy 41,4 mlrd dollardan 2025 jyly 51,5 mlrd dollarǵa deıin ósedi. Bul týraly Senattyń jalpy otyrysynda eldiń 2021-2025 jyldarǵa arnalǵan áleýmettik-ekonomıkalyq damý boljamyn baıandaǵan QR Ulttyq ekonomıka mınıstri Rýslan Dálenov málim etti, dep habarlaıdy QazAqparat.

«2021 jyly munaı óndirý 86 mln tonnadan 2025 jyly 100,7 mln tonnaǵa deıin ósedi. Barlyq bazalyq salalarda oń ósim bar. Óńdeý ónerkásibi jylyna orta eseppen 6,7 paıyzǵa, ken óndirý ónerkásibi 2,9 paıyzǵa ósedi. Ortasha jyldyq ósý qarqyny aýyl sharýashylyǵynda 6,2 paıyzdy, saýdada 5,5 paıyzdy quraıdy», - dedi mınıstr.

Onyń aıtýynsha, taýarlar eksporty 2021 jylǵy 41,4 mlrd dollardan 2025 jyly 51,5 mlrd dollarǵa deıin ósedi. Import 2021 jylǵy 36,3 mlrd dollardan 2025 jyly 37,8 mlrd dollarǵa deıin ósedi.

«Áleýmettik-ekonomıkalyq saıasattyń negizgi basymdyqtary ınvestıtsııalyq jáne bıznes ahýaldy jaqsartý, sapaly adamı kapıtal jáne teńgerimdi óńirlik damý bolady. Osy makroekonomıkalyq kórsetkishter negizinde tıisti bıýdjet parametrleriniń boljamy qalyptasty», - dedi R. Dálenov.

Respýblıkalyq bıýdjettiń kiristeri (transfertterdi esepke almaǵanda) 2021 jyly 6 trln 926 mlrd teńgeni, 2022 jyly – 8 trln 566 mlrd teńgeni, 2023 jyly – 9 trln 217 mlrd teńgeni quraıdy.

Kepildendirilgen transfertti 2021 jyly – 2 trln 700 mlrd teńge, 2022 jyly – 2 trln 400 mlrd. teńge jáne 2023 jyly – 2 trln 200 mlrd teńge mólsherinde josparlanyp otyr.

2021 jyly Ulttyq qordan 1 trln teńge mólsherinde nysanaly transfertti tartý kózdeledi.

«Osylaısha, boljam boıynsha túsimder 2021 jyly 11,4 trln teńge, 2022 jyly – 11,8 trln teńge, 2023 jyly – 12 trln teńgeni quraıdy», - dedi R. Dálenov.

Respýblıkalyq bıýdjettiń shyǵystary 2021 jyly 14 trln 049 mlrd teńge, 2022 jyly 13 trln 873 mlrd teńge, 2023 jyly 13 trln 889 mlrd teńge kóleminde boljanýda.


Avtor Rýslan Ǵabbasov
Basty sózder: Munaı, Ekonomıka, Senat, Parlament,
Joǵary qaraı