Aýa raıy
Astana 14 °S
Almaty 13 °S
valıýta baǵamy
USD 412.55
EUR 468.66
RUB 5.79
CNY 58.80

Qazaqstanda birqatar memlekettik organnyń qyzmetke qabyldaý sharttary jeńildetildi

2020 jyldyń 6 tamyz 2020 10:40

NUR-SULTAN. QazAqparat – Qazaqstanda birqatar memlekettik organnyń qyzmetke qabyldaý sharttary jeńildetildi, dep habarlaıy QazAqparat tilshisi QR Memlekettik qyzmet isteri agenttiginiń baspasóz qyzmetine silteme jasap.

«Prezıdent janyndaǵy Ekonomıkalyq ósýdi qalpyna keltirý jónindegi memlekettik komıssııa koronavırýs indeti tarap jatqan tusta densaýlyq saqtaý organdarynda memlekettik qyzmetke taǵaıyndaýdy jáne konkýrstyq rásimderdi jedeldetip júrgizý máselesin pysyqtaýdy tapsyrǵan bolatyn. Bul rette karantın kezeńinde Úkimettiń áleýmettik blogyna júktelgen aǵymdaǵy jáne aldaǵy mindetterdi eskere otyryp, jedeldetilgen konkýrstyq rásimderdi halyqty áleýmettik qorǵaý (aǵymdaǵy jaǵdaılarda áleýmettik sharalardy qamtamasyz etý jónindegi mindetterge baılanysty) jáne bilim berý (pandemııa kezeńinde úzdiksiz bilim berý protsesin sapaly uıymdastyrý jónindegi mindetterge baılanysty) salalaryndaǵy organdarǵa taratý týraly sheshim qabyldandy»,-delingen habarlamada.

Osyǵan qaraı, konkýrstyq rásimderdiń merzimin qysqartý osy organdardaǵy bos jumys oryndaryn jedel toltyrýǵa, vedomstvolarǵa júktelgen osy mindetterdi ýaqtyly oryndaýǵa yqpal etedi. Joǵaryda aıtylǵandardy eskere otyryp, Memlekettik qyzmet isteri agenttiginiń 2020 jyldyń 22 shildedegi buıryǵymen konkýrsty ótkizý Erejesine tıisti túzetýler engizildi.

«Máselen, engizilgen túzetýlerge sáıkes, karantın kezeńinde densaýlyq saqtaý, eńbek jáne halyqty áleýmettik qorǵaý, bilim jáne ǵylym mınıstrlikteri, sondaı-aq ákimdikterdiń densaýlyq saqtaý, halyqty jumyspen qamtý jáne bilim berý salasyndaǵy bólimsheleri laýazymdaryna konkýrstar ótkizý merzimi qysqartyldy. Osylaısha, konkýrstyq rásimder jıyrma eki kúnnen tórt kúnge deıin qysqartyldy»,-delingen QR Memlekettik qyzmet isteri agenttiginiń baspasóz qyzmeti taratqan málimette.


Basty sózder: Memlekettik qyzmetshi, Zań,
Joǵary qaraı