Aýa raıy
Astana 5 °S
Almaty 10 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda biryńǵaı ekologııalyq portal qurý usynyldy

2020 jyldyń 27 shilde 2020 20:10

NUR-SULTAN. QazAqparat – QR Aqparat jáne qoǵamdyq damý mınıstri Aıda Balaeva ekologııa salasynda biryńǵaı portal qurý usynysyn qoldady, dep habarlaıdy QazAqparat.

«Ekologııalyq bilim: qazaqstandyq qoǵamda ekologııalyq bilim berý, ekologııalyq mádenıetke tárbıeleý jáne qalyptastyrý» atty dóńgelek ústel otyrysynda mınıstr jańa ekologııalyq jobalardy engizý týraly usynystarǵa qoldaý bildirdi.

«Aqparattyq qoldaýǵa keletin bolsaq, barlyq ekologııalyq jobalardy, bastamalardy jáne jekelegen aktsııalardy biryńǵaı portalǵa biriktirýdi, Aqparat mınıstrliginiń olardy aqparattyq agenttikterde nasıhattaýy týraly usynysty qýana qabyldaımyn», - dedi mınıstr.

Onyń aıtýynsha, Atyraý, Oral, Óskemen qalalaryndaǵy ekologııalyq jaǵdaı boıynsha naqty bıznes-usynymdar túsip jatyr.

«Memlekettik kompanııalar arasynda ekologııalylyqty engizý, halyqtyq baqylaý ornatý usynystary óte mańyzdy bolyp tabylady. Taǵy bir jaqsy ıdeıa –ekologııalyq tárbıeni nasıhattaýǵa tanymal tulǵalardy, shoý-bıznes juldyzdaryn tartý», - dep atap ótti A. Balaeva.


Joǵary qaraı