Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda bıylǵy jyldyń jartysynda 6,6 mln sharshy metr turǵyn úı paıdalanýǵa berildi

2021 jyldyń 29 shilde 2021 14:51

NUR-SULTAN. QazAqparat - 2021 jyldyń birinshi jartyjyldyǵynda Qazaqstanda 6,6 mln sharshy metrden astam turǵyn úı paıdalanýǵa berildi, dep habarlaıdy QazAqparat QR Indýstrııa jáne ınfraqurylymdyq damý mınıstrliginiń Telegram kanalyna silteme jasap.

Bul 56 myń baspana. 2021 jyly turǵyn úıdi paıdalanýǵa berý kólemi barlyq óńirde ulǵaıdy.

Atyraý (188,1%), Qostanaı (120,9%), Jambyl (114,9%), Shyǵys Qazaqstan (110,5%) jáne Qaraǵandy (110%) oblystary kósh basynda.

«Nurly jer» baǵdarlamasy aıasynda bıyl 17 mln sharshy metr jańa turǵyn úı nemese 163 myń baspana salý josparlanyp otyr. Onyń ishinde memlekettik ınvestıtsııalar esebinen - 1,4 mln sharshy metr turǵyn úı nemese 48,3 myń páter salynady.

«Nurly jer» baǵdarlamasynyń maqsaty – baspananyń qoljetimdiligi men jaılylyǵyn arttyrý jáne turǵyn úı ınfraqurylymyn damytý.

Ol úshin kelesi tetikter qoldanylady:

* ıpotekalyq turǵyn úı qaryzdaryn sýbsıdııalaý,

* qurylys salýshylardyń qaryzdaryn sýbsıdııalaý,

* qurylys ýchaskelerine ınjenerlik-tehnıkalyq ınfraqurylym tartý, onyń ishinde – jeke qurylysqa arnalǵan aýdandar da qamtylady.


Joǵary qaraı