Aýa raıy
Astana 9 °S
Almaty 11 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda buryn óndirilmegen jańa ónim túrleri shyǵarylady - mınıstr

2020 jyldyń 15 qyrkúıek 2020 10:22

NUR-SULTAN. QazAqparat – Bıyl aýyldyq jerlerde jalpy somasy 376 mlrd teńgeni quraıtyn 77 joba iske asyrylady. Sonymen qatar, bıyl elimizde buryn óndirilmegen ónim turleri shyǵarylady. Bul týraly búgin Úkimet otyrysynda QR Indýstrııa jáne ınfraqurylymdyq damý mınıstri Beıbit Atamqulov aıtty, dep habarlaıdy QazAqparat tilshisi.

«Memleket basshysy alǵa qoıǵan mańyzdy mindetterdiń biri - ımportty almastyrý jáne turǵyn úı qurylysyndaǵy qazaqstandyq qamtýdy 90 paıyzǵa deıin jetkizý. Qurylys naryǵynyń qajettiligin qamtamasyz etý úshin bıyl quny 126 mlrd teńgeni quraıtyn 38 ınvestıtsııalyq joba iske qosylady. Bul salada 2020 jyldyń negizgi jobalary - Nur-Sultan qalasyndaǵy kólemdik-bloktyq úı qurylysy zaýyty. Sondaı-aq, qurylys materıaldaryn óndiretin birqatar iri jobalar bar

Jalpy qurylys materıaldaryn óndirý jobalaryn iske asyrý ımport úlesin 15 paıyzǵa tómendetip, turǵyn úı qurylysynda qazaqstandyq qamtý úlesin 90 paıyzǵa jetkizýge múmkindik beredi», - dedi ol.

Mınıstrdiń dereginshe, bıylǵy jobalar tolyq qýatqa shyqqan kezde, olardyń óndiris kólemi 3 mlrd AQSh dollarynan asady. Óndirilgen ónimniń tórtten bir bóligi eksportqa shyǵarylady. Bul shamamen 800 mln AQSh dollaryn quraıdy. Monoqalalarda jalpy somasy 132 mlrd teńgeni quraıtyn 15 joba iske asyrylyp, 1 myńnan asa turaqty jumys ornyn ashý josparlanýda. Bıyl aýyldyq jerlerde jalpy somasy 376 mlrd teńge quraıtyn 77 jobany iske asyrylyp, 5 800 turaqty jumys ornyn ashý josparda bar.

«Budan basqa, Qazaqstanda buryn óndirilmegen jańa ónim túrlerin, atap aıtqanda kabel óniminiń 7 túrin, karerlik jáne jol tehnıkasynyń jańa túrlerin, jańa túrdegi kompozıtti koagýlıanttardy, gaz taldaǵyshtardy, kishi jáne úlken dıametrli tegeýrinsiz temir beton qubyrlardy, tyńaıtqyshtardyń jańa túrlerin, qurylystaǵy kóterme mehanızmi, transformatorlardy shyǵarýǵa arnalǵan paneldik radıatrlar, astyq keptirgish, kombaındardyń jańa túrlerin, termos vagondar, lamınattalǵan fanerlerdi shyǵarý josparlanýda. Indýstrııalandyrý kartasynyń jobalaryn tabysty iske asyrý, bizge óńdeýshi ónerkásipti damytýdyń sapaly jańa traektorııasyna shyǵýǵa múmkindik beredi, ishki naryqty tolyqtyrý jáne eksportqa shyǵý jolymen ulttyq ekonomıkanyń ózindik jetkilikti bolýyn qamtamasyz etedi.- dedi Beıbit Atamqulov.


Joǵary qaraı