Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda egin alqaptarynyń 49 paıyzdan astamy jınaldy

2021 jyldyń 3 qyrkúıek 2021 10:41

NUR-SULTAN. QazAqparat - Bıyl aýyl sharýashylyǵy daqyldarynyń jalpy egis alańy 23 mln gektardy qurady. Bul kólem 2020 jylmen salystyrǵanda 322 myń gektarǵa artyq, dep habarlaıdy QazAqparat.

«Dándi jáne dándi-burshaqty daqyldar 16,1 mln gektar (onyń ishinde bıdaı – 12,9 mln ga), maıly daqyldar-3,1 mln gektar, kókónis jáne kartop – 473,8 myń gektar, maqta-109,7 myń gektar, qant qyzylshasy –21,7 myń gektar, jem-shóp daqyldary 3,2 mln gektar alqapta ornalastyryldy. Bıyl egin jınaý naýqany ýaqtyly bastaldy jáne búginde el boıynsha barlyǵy 7,9 mln gektar dándi jáne dándi-burshaqty daqyldar nemese jalpy jınaý alańynyń 49,4 paıyzy jınaldy», - delingen QR Aýyl sharýashylyǵy mınıstrligi málimetinde.

Aǵymdaǵy ortasha ónimdilik gektaryna 8 tsentner qurap, 6,3 mln tonna astyq bastyryldy. Egin jınaý jumystary bastalatyn ýaqytqa aýyl sharýashylyǵy taýaryn óndirýshiler barlyq qajetti tehnıkany daıyndaǵan.

Jalpy, egin jınaý jumystaryn júrgizý úshin respýblıkada 141,7 myń traktor, 73,5 myń traktor tirkemesi, 36,9 myń astyq jınaıtyn kombaın, 12,8 myń destelegish bar.

Respýblıkada astyqty saqtaýdyń jalpy syıymdylyǵy 28,8 mln tonna, onyń ishinde astyq qabyldaý kásiporyndarynda 12 mln tonna, aýyl sharýashylyǵy taýaryn óndirýshilerde 16,8 mln tonnany quraıdy. Kórsetilgen saqtaý syıymdylyǵy ótken jyldan qalǵan astyq kólemderin eskere otyryp, jańa egindi saqtaý úshin jetkilikti.


Joǵary qaraı