Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstanda eki aıda 133,6 mlrd teńgeniń kóligi qurastyryldy

2022 jyldyń 28 naýryz 2022 11:31

NUR-SULTAN. QazAqparat – Qazaqstandyq kólik qurastyrýshy kásiporyndar qańtar, aqpan aılarynda 133,6 mlrd teńgeniń ónimin shyǵarǵan. Bul týraly Finprom.kz QR Ulttyq ekonomıka mınıstri Álibek Qýantyrovtyń málimetine súıenip aqparat taratty, dep habarlaıdy QazAqparat tilshisi.

«Qazaqstandyq avtoónerkásip qysta 10% ósim kósertti. Jyl qorytyndysy boıynsha ósim – 24%. Eldegi jáne búkil álemdegi daǵdarystyń yqtımal belgilerine qaramastan, bul sala ótken jyldardyń oń trendin saqtap otyr.

Jyldyń alǵashqy eki aıynyń qorytyndysy boıynsha Qazaqstan ekonomıkasynyń ósý qarqyny 3,5% deıin jedeldedi. Ulttyq ekonomıka mınıstri Álibek Qýantyrov mashına jasaý óndirisi 9,2% óskenin, onyń ishinde avtomobıl jasaý kólemi 10,2% artqanyn atap ótti», - dep jazylǵan maqalada.

Portal málimetinshe, jyldyń eki aıynyń qorytyndysy boıynsha sektordaǵy ónim 133,6 mlrd teńge bolǵan. Bir jyl buryn bul kórsetkish 93,5 mlrd teńgeni quraǵan eken.

«Bul QR mashına jasaý segmentindegi barlyq shyǵarylymnyń 38,4% degen sóz. Salystyrsaq, 2021 jyly bul kórsetkish 32,1% edi. Al bes jyl buryn nebári 9,9% bolatyn. Al mashına jasaý sektorynyń óńdeýshi ónerkásiptegi úlesi 2021 jyly 14% bolsa, bes jyl buryn nebári 9,4% qurady», - dep jazady Finprom.kz.


Joǵary qaraı