Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstanda eldi mekenderge azyq-túlikti úzilissiz jetkizý qamtamasyz etilgen

2022 jyldyń 9 qańtar 2022 12:33

NUR-SULTAN. QazAqparat – Bılik ókilderi elimizde saýda nysandaryn kúrdeli kezeńde baǵany qoldan ósirmeýge shaqyrdy, dep habarlaıdy QazAqparat tilshisi.

Bul týraly agenttiktiń baspasóz qyzmeti málim etti.

«Negizgi azyq-túlikter qory elimizde jetkilikti. Qazirgi ýaqytta Saýda jáne ıntegratsııa mınıstrligi óńirlerdiń ákimdikteri men saýda obektilerimen birlesip azyq-túlik taýarlaryn eldi mekenderge úzilissiz jetkizýdi qamtamasyz etýde. Birqatar eldi mekenderde buzaqylyq áreketterden zardap shekken keıbir saýda nysandarynyń jumysy toqtap tur. Sondaı-aq kontrterrorıstik operatsııa belsendi júrip jatqan oryndarda jeke saýda obektileri áli de jabyq.

Saýda jáne ıntegratsııa mınıstrligi, Básekelestikti qorǵaý jáne damytý agenttigi negizgi taǵam taýarlaryna, dári-dármek pen janar-jaǵar maı baǵasyn alyp-satarlyq arqyly qoldan ósirip, ajıotaj týdyrmaýǵa shaqyrady. Agenttik azyq-túlik baǵasyna kún saıyn monıtorıng júrgizedi», - delingen ágenttiktiń málimetinde.

Atalǵan taýar baǵasyn qoldan ósirý faktilerine tap bolǵandar jedel jeliniń myna nómirlerine habar bere alady:

Nur-Sultanda (87172) 74-96-64, 74-34-01, 74-31-26, 74-90-52 (qońyraýlar Nur-Sultan ýaqyty boıynsha saǵat 9-00-den 18-30-ǵa deıin qabyldanady), mobıldi nómirler 8-705-231-24-23, 8-776-458-88-85. 8-708-883-02-62, 8-701-369-61-28 (Nur-Sultan ýaqyty boıynsha saǵat 22-00ge deıin).


Joǵary qaraı