Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda eń tanymal áleýmettik jeliler anyqtaldy

2021 jyldyń 2 naýryz 2021 12:11

NUR-SULTAN. QazAqparat - Qazaqstanda eń tanymal áleýmettik jeliler belgili boldy, dep habarlaıdy QazAqparat Ranking.kz saıtyna silteme jasap.

Statcounter Global Stats málimetinshe, 2021 jyldyń qańtarynda álemdegi eń tanymal áleýmettik jeli Facebook atandy, onyń úlesi 69,8 paıyzdy quraǵan. Odan keıin tizimde Pinterest (11,9%), Twitter (9,5%), YouTube (4,9%) jáne Instagram (2,6%) tur.

Qazaqstanda eń tanymal áleýmettik jeli retinde Pinterest (32,7%) kósh bastap tur. Úzdik «bestikke» sondaı-aq YouTube (20,4%), «VKontakte» (14,9%), Facebook (13,5%) jáne Twitter (11,3%) kirdi.

Qazaqstandyqtar ústel ústindegi qurylǵylar – derbes kompıýter, noýtbýk jáne monobloktarda otyryp, eń kóp kiretin áleýmettik jeliler – Rinterest, YouTube jáne «V Kontakte». Planshetterden eń kóp kiriletinder arasynda Pinterest, Facebook jáne YouTube bar, bul «úshtik» sondaı-aq smartfon ıeleriniń úlken suranysyna ıe, alaıda bul topta YouTube tanymaldylyq jaǵynan ekinshi orynǵa shyqqan.

Play Market qosymshalar dúkeniniń málimetinshe, Pinterest-tiń búkil álem boıynsha paıdalanýshylary qosymshany 5 juldyzdyń ishinen 4,6-ǵa baǵalady. Odan keıin tizimde 4,2 juldyz jınaǵan YouTube jáne Twitter tur. Facebook 4,1, al «V Kontakte» — 3,4 juldyzǵa baǵalanǵan.


Joǵary qaraı