Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstanda energetıka salasy qyzmetkerleriniń jalaqysy artady

2022 jyldyń 1 mamyr 2022 16:10

NUR-SULTAN. QazAqparat - Energetıkterdiń eńbekaqysyn kóterý baǵytynda birqatar shara qabyldanyp jatyr. Bul týraly QR Premer-mınıstri Álıhan Smaıylov málim etti, dep habarlaıdy QazAqparat tilshisi.

«Ótken jyly energııa óndirýshi uıymdar elektr qýatyn óndirýge shekti tarıfti túzetý kezinde óndiristik jumysshylardyń jalaqysyn arttyrý boıynsha shara qabyldady. Ol boıynsha eńbekaqyny 15% kóbeıtý kózdelgen. Sonymen qatar tabıǵı monopolııa sýbektileriniń jylý energııasyn óndirý tarıfinde eńbekaqy tóleý qoryn jyl saıyn 4% ósirý qaralǵan. Osyǵan baılanysty 2021 jyldyń qorytyndysy boıynsha Qazaqstannyń JEO óndiristik qyzmetkerler jalaqysynyń ortasha ósimi - shamamen 10% « , - dedi Álıhan Smaıylov depýtattyq saýalǵa bergen jaýabynda .

Úkimet basshysynyń aıtýynsha, Energetıka mınıstrligi, elektr energetıkasy qaýymdastyǵy jáne salalyq kásipodaqtar atynan jumys berýshiler arasynda qol qoıylǵan 2022-2024 jyldarǵa arnalǵan salalyq kelisim sheńberinde energetıka salasy qyzmetkerleriniń jalaqysyn arttyrý kózdelip otyr.

«Sondaı-aq, tabıǵı monopolııalar salasyndaǵy ýákiletti organ jyldyq statıstıkaǵa súıene otyryp, ekonomıkalyq qyzmet túrleri boıynsha óńirler bólinisinde óndiristik jáne ákimshilik-basqarý qyzmetkerleriniń ortasha aılyq jalaqysyn aıqyndaý jónindegi talapty belgileý bóliginde tarıf qalyptastyrý qaǵıdalaryna ózgerister engizý máselesin qarastyryp jatyr» - deıdi ol.


Joǵary qaraı