Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda fýtboldan el chempıonaty ótip jatyr

2021 jyldyń 24 qazan 2021 17:45

NUR-SULTAN. QazAqparat - Fýtboldan Premer-lıga komandalary arasyndaǵy el birinshiliginiń 25-týry bastalady, dep habarlaıdy QazAqparat tilshisi.

Jankúıerler negizinen Almaty qalasynda ótken jergilikti «Qaırat» pen elordalyq «Astana», Qostanaıdyń «Tobyly» men qaraǵandylyq «Shahter» kezdesýlerine kóz tikkeni anyq. Qazir «Astana» men «Tobyl» týrnır kestesinde qatarlas tur. Búgingi oıyndarynda olardyń biri súrinip ketse, bas júlde taǵdyry erterek sheshilýi múmkin edi.

Almatydaǵy oıynda «Qaırat» tizgindi birden óz qolyna alýǵa tyrysty. Eki týr buryn bul ujym bıylǵy birinshiliktiń qola júldegeri atanyp qoıǵan bolatyn. Soǵan qaramastan jasyl alań tórindegi tartysta jaqsy oıyn órnegin kórsetti. Oıynnyń 8-mınýtynda «Qaırat» fýtbolshysy Neboısha Kosovıch mergendik tanytty.

Al «Tobyl» óz alańyndaǵy «Shahtermen» kezdesýinde múmkindikti múlt jibermeýge tyrysty. Oıynnyń 16-mınýtynda alań ıeleri qatarynan Aleksandr Marochkın esep ashty. Odan keıin 31-mınýtta Igor Sergeev, 56-mınýtta Azat Nurǵalıev esepti ústemeleı tústi. Al 82-mınýtta Elgýdja Lobjanıdje qaqpany dál kózdese, qaraǵandylyq klýbtan Andreı Gıorgadı esep aıyrmasyn qysqartty. Kezdesýde «Tobyl» qarsylasyn 4:1 esebimen basym tústi.

Chempıondyqqa qaı komandanyń qol jetkizetini sońǵy týrda anyqtalady. Endi 26-týrda 30 qazanda «Astana» elordada «Turandy» qabyldasa, «Tobyl» Oralda «Aqjaıyqpen» kezdesedi.

Dál qazir aıaqtalǵan ózge oıyndarda óz alańynda «Turan» «Aqtóbeden», «Taraz» «Ordabasydan» 1:2 esebimen jeńilse, «Atyraý» men «Qyzyljar» 0:0 esebine qanaǵat bildirdi.

Endi atalǵan týrda 17.00-de «Kaspıı» (Aqtaý) men «Aqjaıyq» jasyl alańǵa shyqsa, atalǵan týrdy 19.00-de «Qaısar» (Qyzylorda) men «Jetisý» (Taldyqorǵan) komandalary túıindeıdi.


Avtor Ádiljan Úmbet
Basty sózder: Qoǵam, Sport,
Joǵary qaraı