Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda gaz ballony qaýipsizdigin saqtamaǵandar qylmystyq jaýapqa tartylýy múmkin

2021 jyldyń 29 qarasha 2021 17:15

NUR-SULTAN. QazAqparat – Elimizde turmystyq gaz ballonyn toltyrý, qoldaný qaýipsizdigin saqtamaǵan jaǵdaıda qylmystyq jaýapkershilikke tartý qarastyrylmaq. Bul týraly QR Tótenshe jaǵdaılar mınıstriniń orynbasary Mereke Pishembaev málim etti, dep habarlaıdy QazAqparat tilshisi.

«Bizdiń mınıstrliktiń quzyretine óndiris qaýipsizdigin qamtamasyz etý máselesi kiredi. Nysandardy teksergende soǵan mán beremiz. Osy oraıda bizdiń óńirlerdegi departament gaz ballonyn toltyrý qyzmetiniń zańdy oryndalýyna tekseris júrgizedi. Ondaǵy eski, jaramsyz gaz ballondaryn isten shyǵardy. Turmystyq gaz ballonyna qatysty basty problema ony avtogaz quıý beketinde toltyrý. Bul zańsyz áreket jáne sonymen kúresýimiz kerek. Sebebi gaz ballonyn toltyrǵanda saqtalýy tıis normalary bar. Gaz ballony tıisti normaǵa saı toltyrylmaǵan soń, ol adamzat úshin qaýipti», - dedi Mereke Pishembaev OKQ-de ótken baspasóz máslıhatynda.

Vıtse-mınıstrdiń aıtýynsha, gaz ballony jarylý saldarynan bolatyn tótenshe jaǵdaıdyń deni - onyń durys toltyrylmaýynan týyndaıdy.

«Ótken aptada gazdy qoldaný qaýipsizdigine arnalǵan vedomstvoaralyq jıyn ótti. Sol jıynda biraz dúnıe ortaǵa salyndy. Biz óz tarapymyzdan gaz óndirý isinde otandyq óndirýshilerdi qoldaý týraly usynys bildirdik. Sebebi biz qoldanatyn gaz ballony syrttan jetkiziledi. Árıne, jaýapkershilikti de kúsheıtý qajet. Osyǵan deıin gaz ballonyn avtogaz quıý beketinde toltyrý zańsyz ekeni aıtyldy. Ol úshin jaýapkershilikte bar. Degenmen jazańdy qatańdatý qajet, osy oraıda qylmystyq jaýapkershilikke tartýdy usynyp otyrmyz», - deıdi ol.


Joǵary qaraı