Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda ınternet arqyly esirtki taratýshylarǵa qandaı jaza qarastyrylǵan

2021 jyldyń 14 qazan 2021 16:08

NUR-SULTAN. QazAqparat – Qazaqstanda esirtkini ınternet bızneske aınaldyrǵany úshin qandaı jaza qarastyrylǵan jáne búginde ol boıynsha qansha is qaralyp jatyr?

Eldegi eskirtkimen kúres jaǵdaıy týraly QR Іshki ister mınıstrliginiń Esirtki qylmysyna qarsy is-qımyl departamentiniń basshysy, polıtsııa polkovnıgi Erlan Omarbekov aıtyp berdi, dep habarlaıdy QazAqparat tilshisi.

«Memleket basshysy halyqqa Joldaýynda esirtkiniń jańa túrlerimen kúresýdi memlekettik organdarynyń basym mindetteriniń biri retinde aıqyndap berdi. Osy oraıda sońǵy eki jylda zańnama qaıta pysyqtaldy. Atap aıtqanda, esirtki aınalymynyń aldyn alýǵa baqylaý ornatý tártibi jeńildetilip, ony ınternet jelisi arqyly satý men satyp alǵan jaǵdaıdaǵy jaýapkershilik kúsheıtildi. Ótken jyldyń 10 qańtarynan bastap esirtki qylmysy úshin zańnamaǵa «elektrondyq kommýnıkatsııalyq júıelerdi paıdalana otyryp» degen jańa aıqyndaý engizildi. Ol ishinara birneshe bap boıynsha qarastyrylǵan. Mysaly, esirtki nemese ony jasaýǵa qoldanylatyn zattar aınalymy, elektrondyq kommýnıkatsııalyq júıelerdi paıdalana otyryp esirtkini nasıhattaý jáne sol sııaqty», - dedi Erlan Omarbekov.

Onyń aıtýynsha, elimizde esirtki qylmysy úshin uzaq merzimdi jaza qarastyrylǵan. Jáne eskirtkimen aınalysý aýyr jáne asa aýyr qylmys sanatyna jatady.

«Bıyl jyl basynan beri aqparattyq resýrstardy paıdalana otyryp esirtkini taratý boıynsha 77-den astam faktiniń joly kesildi. Sonymen qatar, esirtkini satýdan bólek, ony jarnamalap, nasıhattaǵany úshin de qylmystyq jaýapkershilik engizildi. Ol úshin 3 jyldan 6 jylǵa deıin bas bostandyǵynan aıyrý jazasy qarastyrylǵan», - deıdi ol.




Osy oraıda departament basshyǵy qazirgi ýaqytta esirtkini nasıhattaýǵa qatysty 90 qylmystyq istiń qaralyp jatqanyn aıtty.

«El kóleminde esirtkiniń jańa túrlerin anyqtaý men oǵan tyıym salý jumysy jalǵasyp jatyr. Búginde sıntetıkalyq esirtkiniń taǵy 11 jańa túrine qatysty hımııalyq zattardyń aınalymy úshin qylmystyq jaýapkershilik engizilgen Úkimettiń qaýlysy kúshine endi. Odan bólek, eń kóp taralatyn pırovaleron, mefedron (mef) jáne sıntetıkalyq kannabınoıd (spaıs) aınalymyna qatysty jaza kúsheıtildi. Osyǵan deıin atalǵan esirtki túrleri tárkilengen jaǵdaıda onyń kólemi 50 gramdy quraǵan jaǵdaıda jaza qaralatyn, endigi 1 grammen ustalsa da jazaǵa tartylady», - dedi E. Omarbekov.


Avtor Álı Ibraev
Basty sózder: Internet, Qylmyspen kúres,
Joǵary qaraı