Aýa raıy
Astana -14 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda ınjınırıng jáne tsıfrlyq transformatsııa ortalyǵy qurylady

2020 jyldyń 29 qazan 2020 15:10

NUR-SULTAN. QazAqparat – Memlekettik organdardyń aqparattyq júıelerin retke keltirý boıynsha ınjınırıng jáne tsıfrlyq transformatsııa ortalyǵy qurylady. Bul týraly QR Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın aıtyp berdi, dep habarlaıdy QazAqparat tilshisi.

«Jalpy, memlekettik organdardyń aqparattyq júıesin retke keltirý boıynsha Injınırıng jáne tsıfrlyq transformatsııa ortalyǵyn qurýdy josparlap otyrmyz. Búginde memlekettik organdarda kóptegen aqparattyq júıeler jumys isteıdi. Bul - jaqsy da emes, jaman da emes, jaı ǵana fakt. 15 jylda biz kóptegen aqparattyq júıelerdi qurdyq, bul bizge BUU reıtınginde belgili bir jetistikterge jetýge múmkindik berdi. BUU elektrondy úkimetti damytý reıtınginde biz úzdik otyzdyqqa kiremiz», - dedi mınıstr Ortalyq kommýnıkatsııalar qyzmetinde ótken brıfıngte.

Biraq, mınıstr belgili bir tekserý jumystaryn júrgizý qajettigin atap ótti.

«Keı júıeler eskirgen, qoldanystan shyqqan nemese paıdalanýshylardyń qazirgi talaptaryna sáıkes kelmeıdi degen pikirler bar. Sondyqtan biz osy ortalyqty quryp, memlekettik organdardaǵy belgili bir aqparattyq júıelerdi quratyn kompanııalarǵa yqpal etý úshin mınıstrlik pen «Zerde» holdınginiń rólin kúsheıtemiz. Bul naqty ne beredi? Biz tsıfrlandyrýǵa ener aldynda barlyq bıznes protsesterdi naqty jazyp shyǵamyz. Barlyq tsıfrlandyrý protsesterine sáıkes keletin biryńǵaı zamanaýı IT arhıtektýrasy men kelisimi bolady», - dep túsindirdi Baǵdat Mýsın.


Joǵary qaraı