Aýa raıy
Astana 6 °S
Almaty 11 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda iskerlik belsendilik qalpyna kele bastady

2020 jyldyń 22 qyrkúıek 2020 09:30

NUR-SULTAN. QazAqparat – Qazaqstanda pandemııa saldary jeńildegennen keıin iskerlik belsendilik ahýaly jaqsaryp keledi. Ásirese qyzmet kórsetý salasynda edáýir jaǵymdy ózgeris bar, dep habarlaıdy QazAqparat tilshisi ranking.kz zertteýine silteme jasaı otyryp.

«Shilde aıyndaǵy qatań karantın sharalary eldegi iskerlik belsendilikti álsiretip, Qazaqstannyń eńbek naryǵyna edáýir jaǵymsyz sıpatta áser etti. Osylaısha respýblıkada jumyssyzdyq 5 paıyzǵa ósti» delingen zertteý qorytyndysynda.

Eldegi iskerlik belsendilik salasyndaǵy jaǵdaıǵa Almaty erekshe yqpal etedi: bul aımaqta jumys istep turǵan kásiporyndardyń 80,7 myńy, ıaǵnı búkil eldegi kásiporyndardyń 25,1 paıyzy shoǵyrlanǵan. 31 tamyzdan bastap Almatyda 579 nysan (onda barlyǵy 13,1 myń jumys oryny shoǵyrlanǵan) jumysyn qaıta jandandyrǵan.

Onyń ishinde dinı nysandar (600 jumys oryny), mádenıet nysandary (6,2 myń jumysy oryny), basseınder (1,7 myń jumys oryny), jattyǵý zaldary (2,8 myń jumys oryny), sport keshenderi (1,3 myń jumys oryny) bar.

Aımaqta tótenshe jaǵdaı aıaqtalyp, karantın rejımi álsiregeli 188 myń kásiporyn (irili-usaqty) jumysyn qaıta bastaǵan. Óńirdegi endigi basty mindet – ótken jyldyń ósimine qaıta jetý bolyp otyr.

Almatyda jumys oryndaryn saqtaý úshin barlyq qajetti shara qabyldanýda. Jumyssyz azamattarǵa memleket tarapynan senimdi kómekshi - jumyspen qamtý ortalyǵy.

Pandemııa bastalǵaly beri ortalyq qıyn saldardyń eńbek naryǵyna jaǵymsyz áserin azaıtýǵa den qoıǵan.


Avtor Aıan Bekenuly
Basty sózder: Ekonomıka, Statıstıka,
Joǵary qaraı