Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda ızraıldik medıtsınalyq zerthana iske qosylady

2021 jyldyń 16 maýsym 2021 14:43

NUR-SULTAN. QazAqparat - Qazaqstannyń Izraıldegi Elshiliginiń qoldaýymen Qazaqstan Densaýlyq saqtaý mınıstrligi Sanıtarlyq-epıdemıologııalyq baqylaý komıtetiniń «Ulttyq saraptama ortalyǵy» men ızraıldik Aid Genomics kompanııasy arasynda medıtsınalyq zerthanany óteýsiz berý týraly ózara túsinistik týraly Memorandýmǵa qol qoıý rásimi ótti, dep habarlaıdy QR SІM baspasóz qyzmeti.

Qol qoıý rásimine Qazaqstan Elshisi Satybaldy Burshaqov qatysyp, Izraıldiń koronavırýspen kúrestegi jetistikteriniń aıasynda biregeı zerthanalyq jabdyqtyń berilýi ınfektsııalyq aýrýlardyń taralýyn boldyrmaýda erekshe mańyzǵa ıe bolyp otyrǵanyn atap ótti.

Dıplomat sondaı-aq Qazaqstan men Izraıl densaýlyq saqtaý salasynda belsendi yntymaqtasyp, mamandarǵa únemi trenıngter ótkizip, medıtsınalyq zertteýler salasynda tájirıbe almasyp otyrǵanyn habarlady.

Óz kezeginde, Aid Genomics Bas dırektory Snır Zano bizdiń elderimiz arasyndaǵy dostyq qarym-qatynastardy joǵary baǵalaı otyryp, eń jańa modeldegi zerthananyń túrli genomdyq jobalarda paıdalanylýy múmkin tehnologııalardyń joǵary dáldikti molekýlıarlyq-dıagnostıkalyq múmkindikterin kórsete alatyndyǵyn atap ótti.




Jobany iske asyrý aıasynda ızraıldik seriktester zerthanany iske qosýǵa jáne ony odan ári paıdalaný úshin óz mamandaryn Qazaqstanǵa jiberýdi, sondaı-aq jergilikti medıtsınalyq mamandardy uıretip, oqytýdy josparlap otyr.

AID Genomics Limited - qaterli isik jáne juqpaly aýrýlarmen aýyratyn naýqastardy dıagnostıkalaý men emdeýdi júzege asyratyn medıtsınalyq tehnologııalarǵa mamandanǵan halyqaralyq kompanııalar toby. Aid Genomics-tiń daıyndalǵan eksperımenttik platformalaryn onkologııa, molekýlalyq bıologııa, molekýlalyq patologııa, genomıka jáne bıoınformatıka salasyndaǵy jetekshi mamandar toby ázirledi. Kompanııa Izraılde júrgizilgen PTR test ardyń 70% qamtamasyz et ken .














Basty sózder: Ǵylym, Medıtsına, QR SІM,
Joǵary qaraı