Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda qansha munaı kenishi bar

2021 jyldyń 20 tamyz 2021 14:16

NUR-SULTAN. QazAqparat – QR Ekologııa, geologııa jáne tabıǵı resýrstar vıtse-mınıstri Serikqalı Brekeshev eldegi mıneraldy-shıkizat bazasynyń qazir jaı-kúıi týraly málimet berdi, dep habarlaıdy QazAqparat tilshisi.

«Elimizdiń paıdaly qazbalardyń memlekettik balansynda jalpy 8 myńnan asa ken oryndary tirkelgen. Onyń ishinde kómirsýtek – 317 (munaı, gaz, kondensat), qatty paıdaly qazbalar – 910, keń taralǵan paıdaly qazbalar – 3,0 myńnan astam jáne 4 myńǵa jýyq jerasty sýlarynyń ken oryndary bar», - dedi ol ortalyq kommýnıkatsııalar qyzmetinde ótken brıfıngide.

Onyń aıtýynsha, eldegi 317 munaı ken ornyndaǵy shıkizattyń balanstyq qory 4,4 mlrd tonnaǵa jetedi.

«Qazaqstandaǵy munaıdyń balanstyq qory A+V+S1+S2 kategorııalary boıynsha 4,4 mlrd tonnany, gaz – 3,8 trln tekshe metrdi, kondensat – 414 mln tonnany quraıdy. Olardyń basym bóligi Atyraý (75%) jáne Mańǵystaý (11%) oblystarynda shoǵyrlanǵan. Bul rette, kómirsýtek shıkizatynyń 68% qory 3 iri ken oryndarynyń, atap aıtqanda Teńiz, Qashaǵan jáne Qarashyǵanaqtyń úlesine keledi», - dedi vıtse-mınıstr.

Serikqalı Brekeshevtiń sózine qaraǵanda, Eldegi ken qorynyń ortaıǵanyn Qashaǵan ǵana bildirmeı tur.

«Bir qaraǵanda ósim jaman emes sııaqty. Biraq buǵan negizinen Qashaǵan ken orny esebinen solaı bolyp otyr. Qashaǵan bolmasa, ken qorynyń tolyǵý koeffıtsıenti 0,9 belgisinde bolar edi. Bul problemany sheshý úshin jańa perspektıvaly ýchaskelerdi jedel anyqtap, eski ken oryndaryn jete barlaý qajet. Geologııalyq barlaýǵa jeke ınvestorlardy tartý kerek. Óıtkeni jańa ken ornyn ashqannan keıin ony iske qosý úshin keminde 10-15 jyl kerek», - dep qorytyndylady vıtse-mınıstr.


Joǵary qaraı