Aýa raıy
Astana -6 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda qansha sheteldik jumys istep júr

2020 jyldyń 19 qazan 2020 14:46

NUR-SULTAN. QazAqparat - 2020 jylǵy 1 qazandaǵy jaǵdaı boıynsha Qazaqstanda sheteldik jumys kúshin (ShJK) tartýǵa 16 myń 105 ruqsat qoldanysta, dep habarlaıdy QazAqparat.

«641 ruqsat birinshi sanat boıynsha (basshylar jáne olardyń orynbasarlary), 3 449-y ekinshi sanat boıynsha (qurylymdyq bólimshelerdiń basshylary) berildi. Shetel jumys kúshin tartýǵa berilgen ruqsattardyń negizgi bóligi úshinshi (mamandar) jáne tórtinshi (bilikti jumysshylar) sanattar boıynsha berildi – tıisinshe 7 461 jáne 1 125 adam. Sondaı-aq maýsymdyq jumystarǵa – 1 735 adam, korporatıvtik aýystyrý aıasynda 1 694 adam tartyldy», - delingen QR Eńbek jáne halyqty áleýmettik qorǵaý mınıstrligi baspasóz qyzmetiniń málimetinde.

Qazirgi ýaqytta Qazaqstanda sheteldik jumys kúshin paıdalanatyn 1785 jumys berýshi bar. Olarda 455 816 myńǵa jýyq Qazaqstan azamaty jumys isteıdi, bul jalpy jumysshylar sanynyń 96 paıyzyn quraıdy.

Eńbek mıgranttary shyǵatyn negizgi elder: Ýkraına – 3 511 adam, Taıland – 1 723, Túrkııa – 1 669, Ózbekstan – 1 186, Serbııa – 1 065.

Eske sala keteıik, ishki eńbek naryǵyn qorǵaý maqsatynda QR Eńbek jáne halyqty áleýmettik qorǵaý mınıstrligi jyl saıyn elimizge sheteldik mamandardy tartýǵa kvota belgileıdi. 2020 jylǵa olardy tartýǵa kvota respýblıkanyń ekonomıkalyq belsendi turǵyndarynyń 0,32% -y mólsherinde (shamamen 29,3 myń adam) belgilendi.


Joǵary qaraı