Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda qar barysy fototuzaqqa jıi túsetin bolyp júr

2021 jyldyń 12 qańtar 2021 16:47

ALMATY. QazAqparat - Merki orman sharýashylyǵynda bir jarym jyl ishinde fototuzaqqa segiz qar barysy túsken, dep habarlaıdy QazAqparat tilshisi.

Orman sharýashylyǵy ókilderiniń atýynsha, qar barysy alǵash ret 2018 jyldyń qysynda tirkelgen.

«Reıd kezinde biz qar barsynyń urǵashysyn uıaly telefonnyń kamerasyna túsirip aldyq. Ol alandarymen birge júrdi. Bul týraly biz BUU Damý baǵdarlamasyna habarladyq, olar bul faktige qyzyǵýshylyq tanytty. Óıtkeni qar barysy Jambyl oblysynda buryn-sońdy kezdespegen. Sóıtip, «qyzyl kitapqa» enetin sırek janýardyń bizdiń sharýashylyqta da ómir súretinin bildik», - deıdi Merki orman sharýashylyǵy dırektorynyń orynbasary Azat Erensiz.

Azat Erensizdiń aıtýynsha, orman sharýashylyǵynyń aýmaǵynda barystar jıi paıda bola bastaǵandyqtan 11 fototuzaq ornatyldy.


«Búgingi kúni Merki orman sharýashylyǵynda fototuzaqtardy eki maman baqylaıdy. Qar barysy 10 kún saıyn sýretke jáne vıdeoǵa túsip qalady. Alandarymen jıi túsetin boldy», - deıdi ol.

Aldaǵy ýaqytta orman sharýashlyǵy «qyzyl kitapqa» engen janýarlardy baqylaý úshin SMART kameralaryn qoldanbaqshy.


Avtor Alma Muqanova
Basty sózder: Ekologııa, Almaty,
Joǵary qaraı