Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda qarttardy qoldaýǵa arnalǵan 2025 jylǵa deıingi jospar bekitildi

2021 jyldyń 1 qazan 2021 11:58

NUR-SULTAN. QazAqparat – Elimizde egde jastaǵy azamattardy áleýmettik qoldaýǵa baǵyttalǵan «Belsendi uzaq ómir súrý» atty jospar bekitildi, dep habarlaıdy QazAqparat QR Eńbek jáne halyqty áleýmettik qorǵaý mınıstrligine silteme jasap.

«Nur Otan partııasynyń «Ózgeris joly: árkimge laıyqty ómir!» saılaýaldy baǵdarlamasy aıasynda bıyl bizdiń mınıstrlik aǵa býyn azamattardyń jaǵdaıyn jaqsartý baǵyttalǵan 2025 jylǵa deıingi «Belsendi uzaq ómir súrý» atty is-sharalar josparyn bekitti», - delingen mınıstrlik taratqan habarlamada.

Eńbekmınniń málimetinshe, atalǵan jospar egde jastaǵy adamdardyń qoǵam ómirine belsene aralasýyna múmkindik beredi. Sonymen qatar jospar qart jandardy sapaly memlekettiń qoldaýmen qamtýǵa kepildik beredi. Jáne jospar vedomstvoǵa baǵynysty jobalyq ofıs arqyly júzege asatyny belgili boldy.

«Josparǵa sáıkes elimizdiń barlyq óńirlerinde belsendi uzaq ómir súrý ortalyqtaryn ashý kózdelgen. Ortalyqtardyń qyzmeti egde jastaǵy belsendi azamattardyń sanyn kóbeıtýge, olardyń ómir súrý sapasyn, ál-aýqatyn, densaýlyǵyn jáne psıhoemotsıonaldyq jaǵdaıyn jaqsartýǵa múmkindik beredi. Qazirgi ýaqytta atalǵan ortalyq elimizdiń 10 óńirinde ashyldy. Atap aıtqanda, Nur-Sultan, Almaty jáne Shymkent qalalarynda bar. Odan bólek, Aqmola, Jambyl, Qaraǵandy, Qostanaı, Aqtóbe, SQO jáne Túrkistan oblysynda ortalyqtar jumys istep tur», – dedi QR Eńbek jáne halyqty áleýmettik qorǵaý mınıstrligi Áleýmettik kómek saıasatyn damytý departamentiniń dırektory Asqar Nııazov.

Buǵan deıin habarlaǵanymyzdaı, mınıstrlik egde jastaǵy jandarǵa kórsetiletin áleýmettik kómek tizimin jarııalady .

Sondaı-aq, Qazaqstanda egde jastaǵy 45 myńnan astam jan memleket tarapynan kórsetiletin arnaýly áleýmettik qyzmetpen qamtylǵany aıtyldy.


Joǵary qaraı