Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda qarttardy qoldaýǵa arnalǵan qandaı áleýmettik kómek túrleri bar

2021 jyldyń 1 qazan 2021 11:20

NUR-SULTAN. QazAqparat – Elimizdiń Eńbek jáne halyqty áleýmettik qorǵaý mınıstrligi egde jastaǵy jandarǵa kórsetiletin áleýmettik kómek tizimin jarııalady, dep habarlaıdy QazAqparat atalǵan vedomstvoǵa silteme jasap.

«Bıyl jergilikti bıýdjettiń múmkindikterin eskere otyryp jáne bıznestiń áleýmettik jaýapkershiligi aıasynda qart adamdardy áleýmettik qoldaýǵa 11,9 mlrd teńgeden astam qarajat baǵyttaldy (onyń ishinde jergilikti bıýdjetten – 11,5 mlrd teńge, tartylǵan qarajat esebinen – 0,5 mlrd teńge)», - delingen habarlamada.

Sondaı-aq, mınıstrlik Úkimet tarapynan qarttarǵa qandaı áleýmettik kómek qarastyrylǵanyn jáne oǵan qansha qarjy bólingenin tizbektep berdi.

- Uly Otan soǵysyndaǵy Jeńis kúnine birjolǵy materıaldyq kómekke – 6,4 mlrd teńge (shamamen 115,8 myń adam);

- azyq-túlik jıyntyǵyn usynýǵa - 145,5 mln teńge (31,6 myń adam);

- jeńildikpen dári-dármekpen qamtamasyz etýge - 46,6 mln teńge (4 myń adam);

- tis protezdeýge - 229 mln teńge (2,5 myń adam);

- sanatorlyq-kýrorttyq emdeýdi usynýǵa – 1 mlrd 247,8 mln teńge (24,1 myń adam);

- turǵyn úıdi jóndeýge – 39,9 mln teńge (517 adam);

- otynmen qamtamasyz etýge – 286,5 mln teńge (10,5 myń adam);;

- jalpy paıdalanymdaǵy kólikte jeńildikpen jol júrýge – 878,0 mln. teńge (8 myń adam);

- kómektiń basqa túrlerine – 2 mlrd 667,8 mln teńge (182,5 myń adam).

Odan bólek, atalǵan vedomstvonyń málimetinshe, búgin elimizde qarttar kúnine oraı aılyq bastaldy.

Onyń aıasynda, barlyq óńirlerde aǵa býyn ókilderin áleýmettik qoldaýǵa baǵyttalǵan is-sharalar, eńbek ujymdarymen kezdesý, emhanalarda «Ashyq esik» kúnderin uıymdastyrý taǵy sol sııaqty sharalar ótkiziledi.

Buǵan deıin elimizde 45 myńnan astam qart arnaýly áleýmettik qyzmetpen qamtylǵany habarlandy.



Joǵary qaraı