Aýa raıy
Astana 4 °S
Almaty 9 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda kezekshi synyptarda koronavırýs juqtyrý jaǵdaılary boldy ma

2020 jyldyń 18 qyrkúıek 2020 19:04

NUR-SULTAN. QazAqparat – QR DSM Taýarlar men qyzmetterdiń sapasy men qaýipsizdigin baqylaý komıtetiniń juqpaly aýrýlardy epıdemıologııalyq qadaǵalaý basqarma basshysy Roza Qojapova mektepterdegi kezekshi synyptarda balalar arasynda indet juqtyrý jaǵdaıy bolmaǵanyn aıtty, dep habarlaıdy QazAqparat tilshisi.

Ortalyq kommýnıkatsııalar qyzmetinde elimizdegi mektepterde kezekshi synyptarda sabaq berip júrgen muǵalimder men oqýshylar arasynda indettiń taralýy múmkindigine qatysty saýal qoıyldy.

«Oqý jyly bastalǵaly muǵalimder men oqýshylar arasynda indettiń taralýy baıqalmady. Ekinshi toqsanda oqytýdyń qashyqtan bolýy múmkindigine qatysty naqty aıta almaımyz. Bul jaıynda oqý jylynyń ekinshi toqsany jaqyndaǵan kezde ǵana sheshemiz», - dedi R. Qojapova.

Osy oraıda ol qazirgi kezde kezekshi synyptarǵa baryp júrgen balalar arasyn KVI indetine shaldyǵý tirkelmegenin jetkizdi.

Budan buryn habarlanǵandaı, Roza Qojapova QR Bas memlekettik sanıtarııalyq dárigeriniń № 53 qaýlysyna túsinik berdi.

Demalys jáne mereke kúnderindegi shekteý sharalaryna toqtalsaq, saýda úıleri, saýda oıyn-saýyq ortalyqtarynyń jumysyn toqtata turý burynǵysynsha saqtalady. Odan basqa, jabyq azyq-túlik jáne azyq-túlik emes bazarlarynyń jumysyn toqtata turý boıynsha shekteý sharalary da saqtalady.


Joǵary qaraı