Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstanda kómirtegi satatyn mamandandyrylǵan taýar bırjasy paıda bolady

2021 jyldyń 25 jeltoqsan 2021 18:38

NUR-SULTAN. QazAqparat – Elimizde kómirtegi satatyn mamandandyrylǵan taýar bırjasy paıda bolmaq. Bul týraly QR Saýda jáne ıntegratsııa mınıstrliginiń baspasóz qyzmetinen málim boldy, dep habarlaıdy QazAqparat tilshisi.

«Taýar bırjalarynyń jaýapkershiligin arttyrý maqsatynda olar úshin jarǵylyq kapıtaldyń mólsherin ulǵaıtý kózdelip otyr. ıAǵnı taýardyń barlyq túrin (standarttalǵan jáne standarttalmaǵan) satatyn taýar bırjalary úshin jarǵylyq kapıtaldy 600 myń AEK-ke (aılyq eseptik kórsetkish) deıin ulǵaıtý josparlanýda. Al tek qana standarttalmaǵan taýar túrin satýmen aınalysatyn saýda bırjalary úshin jarǵylyq kapıtaldyń kólemi burynǵysha, 300 myń AEK mólsherinde qala beredi. Bul óz kezeginde saladaǵy «álsiz» oıynshylardyń basqa bırjalarmen birlese otyryp jumys istep, óz áleýetin arttyrýyna múmkindik beredi», - deıdi mınıstrlikten.

Vedomstvodan málim etilgendeı, joǵary atalǵan jańashyldyqtar taýar bırjasy salasynda ádil básekelestik pen sapaly qyzmettiń arta túsýine septigin tıgizedi.

Sondaı-aq, mınıstrlikten elimizde jańa taýar bırjasynyń paıda bolatyny týraly habarlandy.

«Saýda jáne taýar bırjasy týraly zań jobasyna engizilgen ózgerister boıynsha kómirtegi satýdy jeke taýar bırjasy retinde shyǵarý normasy qarastyryldy. ıAǵnı kómirtegi satatyn mamandandyrylǵan taýar bırjasy paıda bolady. Jalpy kómirtegi strategııalyq sıpattaǵy taýar emes. Al jańa ózgeris taýar bırjasynda kómirtegini satýdy retteý maqsatynda qolǵa alynyp otyr», - delingen habarlamada.


Joǵary qaraı