Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda konteınermen júk tasymaldaý kólemi artty

2021 jyldyń 30 shilde 2021 15:08

NUR-SULTAN. QazAqparat – Elimizde júk konteıneri tasymalynyń kólemi artty. Bul týraly «KTZ Express» AQ konteınerlik tasymaldaý qyzmeti departamentiniń dırektory Erjan Baıǵojın málim etti, dep habarlaıdy QazAqparat tilshisi.

«Biz «Qytaı – Eýropa» baǵytyndaǵy júk konteınerlerin tranzıttik tasymaldaý úrdisin odan ári jalǵastyrýdy josparlap otyrmyz. Pandemııaǵa baılanysty álem elderinde shekteýler engizilgeni aıan, osy oraıda Qytaıda da tártip qatal. ıAǵnı, bizde júktiń jınalyp qalý máselesi bar. Degenmen jumys toqtap turǵan joq, azdaǵan karantın shekteýleri bar», - dedi E. Baıǵojın baspasóz týry barysynda.




Onyń aıtýynsha, elimizge syrttan taýarlar kóbine Qytaı men Eýropa elderinen keledi.

«Qazir elimizde tranzıttik-logıstıkalyq tasymaldaý úderisi artty, óıtkeni avtomobıl tasymaly jabyq ıaǵnı halyqaralyq tasymal joqtyń qasy. Sondyqtan da barlyq júk tasymaly temirjol arqyly júzege asyrylady. Qazirgi ýaqytta temirjol júk tasymaly táýlik boıy tynymsyz jumys istep tur. Memlekettik jáne jeke kompanııalardyń kómegimen kez kelgen júkti jetkize alamyz. Búginde júkti konteıner arqyly tasymaldaý joǵary suranysqa ıe, sebebi ol óte yńǵaıly ári qaýipsiz. Aıtar bolsaq, júkti Qytaıdan alyp keledi, osyndaǵy logıstıkalyq termınalda qabyldap, odan ári tapsyrys berýshige jetkizedi. ıAǵnı, «esik aldyna deıin jetkizý» qaǵıdatymen jumys isteıdi. Bul konteınermen júk tasymaldaýdyń tıimdiligin kórsetip otyr», - deıdi ol.

Buǵan deıin elordada júk tasymaldaýdyń qalaı júzege asyrylatynyn habarlaǵan bolatynbyz.


























Avtor Álı Ibraev
Basty sózder: Logıstıka, Kólik, Qoǵam, Ekonomıka,
Joǵary qaraı