Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstanda koronavırýs sońǵy 2 aptada 41 paıyzǵa artty

2022 jyldyń 12 qańtar 2022 10:41

NUR-SULTAN. QazAqparat – Qazaqstanda koronavırýs sońǵy 2 aptada 41 paıyzǵa artty. Bul týraly Úkimet otyrysynda QR Densaýlyq saqtaý mınıstri Ajar Ǵınııat aıtty, dep habarlaıdy QazAqparat tilshisi.

«Álemde KVI-ınfektsııanyń ósýi baıqalady. Onyń ishinde sońǵy aptada Amerıkada aýrý - 100, Eýropada - 65, Ońtústik Shyǵys Azııada - 78, Tynyq-Muhıt óńirinde 38 paıyzǵa ósip otyr. Dúnıejúzilik densaýlyq saqtaý uıymynyń derekteri boıynsha Eýropada sońǵy eki aptada 54 eldiń ishinde 38 elde aýrý ósken. Qazaqstanda sońǵy eki aptada aýrý 41 paıyzǵa artty»,- dedi ol.

Mınıstrdiń aıtýynsha, koronavırýs ınfektsııasy boıynsha epıdemıologııalyq jaǵdaı kúrt nasharlap otyr. Sońǵy táýlikte PTR-testtiń oń nátıjesimen 4 810 jaǵdaı jáne PTR-testtiń teris nátıjesimen 79 jaǵdaı tirkeldi. 1 qańtardan bastap reprodýktıvti san 2,4 ese ósti.

«Epıdemıologııalyq jaǵdaıdy baǵalaý matrıtsasyna sáıkes «qyzyl» aımaqta – Nur-Sultan, Shymkent, Almaty qalalary jáne Atyraý oblysy, «sary» aımaqta – Aqtóbe, Batys Qazaqstan, Qaraǵandy, Qyzylorda, Pavlodar jáne Mańǵystaý oblystary. 7 óńir jasyl aımaqta ornalasqan», - dedi Ajar Ǵınııat.


Joǵary qaraı