Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda koronavırýs vaktsınasyn shyǵaratyn taǵy bir ónerkásip iske qosyldy

2021 jyldyń 13 qyrkúıek 2021 13:53

ALMATY OBLYSY. QazAqparat - Premer-Mınıstrdiń orynbasary Eraly Toǵjanov Memleket basshysynyń Qazaqstan halqyna Joldaýynda belgilengen eldiń bıoqaýipsizdigin qamtamasyz etý jónindegi tapsyrmalary aıasynda «Antıgen» ǵylymı-óndiristik kásipornynyń jumysymen tanysty, dep habarlaıdy QazAqparat.

Koronavırýstyń taralýyna qarsy vedomstvoaralyq komıssııa taratqan málimetke sensek, qazirgi ýaqytta bul kásiporyn QR BǴM Bıologııalyq qaýipsizdik problemalary ǵylymı-zertteý ınstıtýtynyń seriktesi sanalady.

BQPǴZI «Antıgen» alańyn paıdalana otyryp, medıtsınalyq vaktsına, onyń ishinde QazVac shyǵarýdyń tolyq tsıkli boıynsha ekinshi óndiristik alańdy ázirlep, iske qosty.

Osy maqsatta Almaty oblysy ákimdiginiń qoldaýymen jeńildetilgen nesıe boıynsha vaktsına óndirýge arnalǵan jańa tehnologııalyq jabdyqtar satyp alyndy.

Aǵymdaǵy jyldyń qyrkúıek aıynda qýaty aıyna 1 mln dozaǵa deıin jetetin «Antıgen» alańynda QazVac vaktsınasynyń 300 myń valıdatsııalyq serııasy shyǵaryldy.

Halyqaralyq sapa standarttary kásiporynǵa óndiristiń barlyq ýchaskelerinde joǵary tehnıkalyq deńgeıge, sapa men senimdilikke qol jetkizýge múmkindik beredi.

«Antıgen» ǴÓK «OtarBioPharm» JShS janyndaǵy bıofarmatsevtıka zaýytymen qatar BQPǴZI ázirlegen QazVac qazaqstandyq vaktsınasyn shyǵarý boıynsha ekinshi óndiristik alańǵa aınaldy.


Joǵary qaraı