Aýa raıy
Astana 14 °S
Almaty 16 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda koronavırýs juqtyrǵan  25 182  adam em alyp jatyr - QR DSM

2020 jyldyń 9 tamyz 2020 12:00

NUR-SULTAN. QazAqparat – Qazaqstanda búgingi kúni koronavırýs ınfektsııasyn juqtyrǵan 25 182 adam em qabyldap jatyr. Olardyń arasynda 108 sábı bar, dep habarlaıdy QazAqparat tilshisi QR Densaýlyq saqtaý mınıstrligine silteme jasap.

Mınıstrlik taratqan málimetterge qaraǵanda, statsıonarlarda 5 021 naýqas jatyr. 20 161 adam ambýlatorııalyq jaǵdaıda emdelýde.

Jalpy naýqastardyń arasynda 121 adamnyń ahýaly nashar. Sonyń ishinde 29 naýqastyń ahýaly asa qatty aýyr dep baǵalanýda. 38 naýqas ókpeni jasandy jeldetý apparatynda jatyr.

QR Densaýlyq saqtaý mınıstrligi budan bylaı táýliktik nátıjeler týraly aqparatty kún saıyn únemi úzbeı jarııalap otyrady. Barlyq málimet resmı saıtta jáne vedmostvanyń áleýmettik jelilerdegi paraqshalary arqyly taratylady. Atap aıtqanda, naýqastardyń jalpy sany jóninde, qaıtys bolý derekteri týraly jáne de qoǵam úshin mańyzdy ahýaldyń barlyǵy resmı aqparat taratý kózderinde jedel jarııalanyp turady. Al, aımaqtardaǵy ahýal týraly aqparatty apta saıyn Densaýlyq saqtaý mınıstrliginiń resmı ókili arnaıy brıfıngte habarlap turady.


Basty sózder: Koronavırýs, Medıtsına,
Joǵary qaraı