Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda koronavırýspen syrqattanýshylyq 2,8 esege tómendedi

2021 jyldyń 30 qarasha 2021 09:32

NUR-SULTAN. QazAqparat – Qazaqstanda sońǵy aıda koronavırýspen syrqattanýshylyq 2,8 esege tómendedi. Bul týraly Úkimet otyrysynda QR Densaýlyq saqtaý birinshi vıtse-mınıstri Marat Shoranov aıtty, dep habarlaıdy QazAqparat tilshisi.

«Álemde KVI-diń 261 mln astam jaǵdaıy tirkelgen, táýligine 300 myńnan astam jaǵdaı tirkelýde. 5 mıllıonnan astam adam qaıtys boldy. Dúnıejúzilik densaýlyq saqtaý uıymynyń Eýropalyq óńirinde syrqattanýdyń ósý tendentsııasy áli de jalǵasýda. Respýblıkada PTR testtiń oń nátıjesimen koronavýrs ınfektsııasynyń 971 541 jaǵdaıy, jáne PTR teris nátıjesimen 82 550 jaǵdaı tirkelgen, naýqastardyń 95%-dan astamy emdelip shyqty», - dedi birinshi vıtse-mınıstr.

Onyń atap ótýinshe, respýblıka boınsha vırýstyń Reprodýktıvtik sany 0,91 quraıdy jáne tamyz aıymen salystyrǵanda 1,2 ese tómendeý baıqalady.

«Búgingi kúni «qyzyl» aımaqta Soltústik Qazaqstan oblysy qalyp otyr. 5 óńir – Qaraǵandy, Qostanaı, Aqmola, Pavlodar jáne Nur-Sultan qalasy «sary» aımaqta tur. Qazaqstan Respýblıkasy jáne qalǵan 11 «óńir» jasyl aımaqta ornalasqan. Jalpy Qazaqstanda sońǵy aıda syrqattanýshylyq 2,8 esege, statsıonarlyq naýqastar 1,5 esege, ambýlatorııalyq naýqastar 2,0 esege tómendedi», - dedi Marat Shoranov.


Joǵary qaraı