Aýa raıy
Astana 17 °S
Almaty 21 °S
valıýta baǵamy
USD 412.55
EUR 468.66
RUB 5.79
CNY 58.80

Qazaqstanda koronavırýstan da qaýipti pnevmonııa taraǵany ras pa: Mınıstrlik túsiniktemesi

2020 jyldyń 10 shilde 2020 08:23

NUR-SULTAN. QazAqparat – Qytaıdyń buqaralyq aqparat quraldary Qazaqstanda koronavırýstan anaǵurlym qaýipti pnevmonııa taraǵany týraly málimet taratty. Qazaqstannyń Densaýlyq saqtaý mınıstrligi buǵan qatysty túsinik berdi, dep habarlaıdy QazAqparat.

«Qytaıdyń keıbir buqaralyq aqparat quraldarynda Qazaqstanda koronavırýsqa qaraǵanda, ólim-jitimge anaǵurlym kóbirek alyp keletin belgisiz pnevmonııa anyqtalǵany týraly aqparat tarap jatyr.

Qazaqstan Respýblıkasynyń Densaýlyq saqtaý mınıstrligi atalǵan aqparat shyndyqqa janaspaıtynyn málim etedi.

Aıta ketý kerek, Dúnıejúzilik densaýlyq saqtaý uıymy Aýrýlardyń halyqaralyq tizilimine– AHT-10-ǵa pnevmonııany esepke alatyn kodtar engizdi. Mysalǵa, «kúńgirt shyny» sımptomy kezinde ókpeniń zaqymdanýynda, KVI klınıkalyq jáne epıdemıologııalyq túrde dagnostıkalanady, biraq zerthanalyq túrde rastalmaıdy.

Osy rette, Qazaqstan ózge elder sııaqty osyndaı pnevmonııa túrine monıtorıng jáne esep júrgizedi. Bul, koronavırýs ınfektsııasyna shaldyǵý jáne onyń taralý jaǵdaıyn turaqtandyrýǵa baǵyttalǵan basqarýshylyq sheshimderdi ýaqytyly qabyldaýǵa múmkindik beredi.

9 shilde kúni Qazaqstannyń Densaýlyq saqtaý mınıstri Alekseı Tsoı pnevmonııa boıynsha jalpy eldegi sandar týraly aıtty: sonyń ishinde bakterııa, zeń, vırýs týdyratyndar, sonyń ishinde AKHT-10 tizilimine sáıkes «belgisiz etıologııadaǵy vırýsty pnevmonııa» bar.

Osylaısha, QR Densaýlyq saqtaý mınıstrligi qytaılyq BAQ-tyń habarlamasy shyndyqqa janaspaıtynyn málim etedi», - dedi vedomstvodan.


Joǵary qaraı