Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qazaqstanda koronavırýstan emdeý hattamasyna jańa ınnovatsııalyq preparattar engiziledi

2022 jyldyń 12 qańtar 2022 09:51

NUR-SULTAN. QazAqparat – Qazaqstanda koronavırýstan emdeýdiń klınıkalyq hattamalaryna jańa ınnovatsııalyq preparattar engiziledi. Bul týraly búgin Úkimet otyrysynda QR Densaýlyq saqtaý mınıstri Ajar Ǵınııat aıtty, dep habarlaıdy QazAqparat tilshisi.

«Memleket basshysynyń tapsyrmasy boıynsha koronavırýs ınfektsııasymen kúres júıeli túrde jalǵasady. Birinshi, KVI bar patsıentterge tıimdi medıtsınalyq kómek kórsetý maqsatynda ýaqtyly dıagnostıkalaýdy jáne ambýlatorııalyq emdeýdi qamtamasyz ete otyryp, MSAK uıymdarynyń jumysy qarqyndy jalǵastyrylatyn bolady. Ekinshi, búgingi tańda 14 myńnan astam ınfektsııalyq tósek-oryn bar. Elimizde qosymsha 50 myńǵa deıin ınfektsııalyq tósek-oryn ashýǵa daıyndyq bar», - dedi mınıstr.

Onyń atap ótýinshe, úshinshi, halyqaralyq tájirıbeni eskere otyryp, KVI dıagnostıkasy men emdeýdiń klınıkalyq hattamalaryna jańa ınnovatsııalyq preparattar engiziledi.

«Tórtinshi, halyqty vaktsınatsııalaý jáne qaıta vaktsınatsııalaý jalǵasady. Ol úshin shamamen 6,5 mln doza vaktsınany qosymsha satyp alý boıynsha is-sharalar qabyldanýda. Besinshi, qalyptasyp otyrǵan epıdemıologııalyq ahýaldy eskere otyryp, el ishinde de, memlekettik shekarada da qosymsha shekteý is-sharalary jedel engiziledi», - dedi Ajar Ǵınııat.


Joǵary qaraı