Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda koronavırýstyń jańa ETA shtamy anyqtaldy

2021 jyldyń 21 qyrkúıek 2021 10:52

NUR-SULTAN. QazAqparat - Qazaqstannyń 4 óńirinde koronavırýstyń jańa shtamy anyqtaldy. Bul týraly Densaýlyq saqtaý mınıstri Alekseı Tsoı jelidegi paraqshasynda jazdy, dep habarlaıdy QazAqparat.

«Densaýlyq saqtaý mınıstrligi aǵymdaǵy jyldyń shilde-tamyz aılarynda KVI naýqastarynan alynǵan oń zerthanalyq úlgilerdi sekvenırleý ádisimen koronavırýstyq ınfektsııaǵa genetıkalyq zertteý júrgizdi.
Sekvenırleý qorytyndylary boıynsha Qazaqstan Respýblıkasynda 96 úlgide shtammdar aınalymy belgilengen (Delta «Úndi shtammy» - 57 (59,4%), Alpha «Brıtandyq» - 24 (25%), «Ýhan» koronavırýsy - 10 (10,4%) jáne eta «Nıgerııa» - 5 (5,2%)).
Eta «Nıgerııa» shtammynyń aınalymy 4 óńirde aıqyndaldy (Qaraǵandy - 1, Mańǵystaý - 2, Pavlodar - 1, Nur-Sultan - 1).
«Eta» shtammnyń paıda bolýy 2020 jyldyń jeltoqsanynda belgili boldy, aýrýdyń alǵashqy jaǵdaılary Nıgerııa men Ulybrıtanııada anyqtaldy», - dep jazdy mınıstr jelide.
Dúnıejúzilik densaýlyq saqtaý uıymynyń 2021 jylǵy 15 qyrkúıektegi derekteri boıynsha «Eta» shtammy álemniń 77 elinde bólingen, DDU sanaty boıynsha «baqylaýdy» talap etetin shtammdarǵa jatady. Klınıkalyq belgileri Alpha (Brıtandyq) jáne Beta (Ońtústik Afrıka) shtamdary (joǵary qyzba, jótel, ıis pen dám joǵaltý, aýyr aýrý jáne t.b.) sııaqty.
Osyǵan baılanysty Densaýlyq saqtaý mınıstrligi árbir qazaqstandyqty óz densaýlyǵyn jáne jaqyndary men týystarynyń densaýlyǵyn saqtaýǵa qamqorlyqpen qaraýǵa shaqyrady. Infektsııadan jáne aýrýhanaǵa jatqyzýdan qorǵaýdyń jalǵyz tıimdi ádisi - COVID19 vaktsınatsııasynyń aıaqtalǵan kýrsy», - dep tolyqtyrdy mınıstr óz sózin.
Sondaı-aq, vırýstyń taralý qaýpin azaıtý úshin barlyq aldyn-alý sharalaryn saqtaý qajet: maska kııý, áleýmettik qashyqtyqty saqtaý, qol gıgıenasy, úı-jaılardy jeldetý jáne t.b.

Joǵary qaraı