Aýa raıy
Astana 9 °S
Almaty 22 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda KVI juqtyrǵandardyń ishinde jazylyp shyqqandardyń úlesi 67,5 paıyzǵa jetti

2020 jyldyń 3 tamyz 2020 11:22

NUR-SULTAN. QazAqparat – Densaýlyq saqtaý mınıstri Alekseı Tsoı Qazaqstanda KVI indetin juqtyrý boıynsha jaǵdaı turaqtalǵanyn málimdedi, dep habarlaıdy QazAqparat tilshisi.

«Endi sandar týraly aıtaıyn. Men osynaý kóp aqparatqa bas qatyrmaı, qysqasha ǵana jetkizýge tyrysaıyn. Búgingi tańda respýblıkada koronavırýs ınfektsııasyn juqtyrýdyń 92 262 jaǵdaıy tirkeldi. Iá, bul san úreı týdyrýy da múmkin. Alaıda olardyń 67 paıyzdan astamy aýrýdan saýyǵyp shyqty. Mundaı jaǵymdy kórsetkishter baıaý bolsa da ósip keledi. Jaǵdaı Batys Qazaqstan, Almaty, Túrkistan, Qostanaı, Aqmola jáne Mańǵystaý oblystarynda, sondaı-aq astanada ońalyp keledi», - dedi Alekseı Tsoı OKQ-da ótken baspasóz máslıhatynda.

Osy sandardy keltire kele Alekseı Tsoı Qazaqstanda KVI indetin juqtyrý boıynsha jaǵdaı turaqtalǵanyn jetkizdi.

«Ózderińider baıqap otyrǵan bolarsyzdar. Sharyqtaý sheginen óttik. Bizdiń mindetimiz - búkil adamdar úshin, búkil densaýlyq saqtaý júıesi úshin óte qıyn synaqpen kelgen osy pozıtsııany ustap qalý», - dedi ol.


Joǵary qaraı