Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda «Linkedin» ınternet-resýrsyna qoljetimdilik qalpyna keltirildi

2021 jyldyń 29 shilde 2021 12:41

NUR-SULTAN. QazAqparat - Qazaqstan Respýblıkasynyń Aqparat jáne qoǵamdyq damý mınıstrligi linkedin.com ınternet-resýrsynyń buǵattalýyna baılanysty týyndaǵan jaǵdaı boıynsha «Linkedin» kompanııasynyń resmı ókilderimen kelissózder júrgizdi, dep habarlaıdy QazAqparat atalǵan vedomstvonyń baspasóz qyzmetine silteme jasap.

«Linkedin» saıtynyń ákimshiligi óz saıttarynda jarııalanǵan materıaldarda Qazaqstan Respýblıkasynyń zańnamasyn buzý faktileriniń anyqtalǵandyǵy týraly Aqparat jáne qoǵamdyq damý mınıstrligi joldaǵan habarlamany qarastyryp, Qazaqstan tarapynyń talaptaryn negizdi dep tanyp, ınternet-resýrstan zańsyz kontentti alyp tastady.

Osyǵan baılanysty, qazaqstandyq paıdalanýshylar úshin AQDM-men linkedin.com ınternet-resýrsyna qoljetimdilikti qalpyna keltirý boıynsha tıisti sharalar qabyldandy.

«Linkedin» kompanııasynyń ókilderimen ózara syndarly dıalog quryp, qos taraptyń tıimdi yntymaqtastyǵyn odan ary jalǵastyrý týraly kelisimderge qol jetkizildi.


Joǵary qaraı