Aýa raıy
Astana 31 °S
Almaty 34 °S
valıýta baǵamy
USD 412.55
EUR 468.66
RUB 5.79
CNY 58.80

Qazaqstanda maýsym aıynda 628 adam pnevmonııadan kóz jumǵan

2020 jyldyń 3 shilde 2020 12:35

NUR-SULTAN. QazAqparat – QR bas memlekettik sanıtar dárigeri Aıjan Esmaǵambetova Qazaqstanda maýsym aıynda 628 adam pnevmonııadan kóz jumǵanyn málim etti, dep habarlaıdy QazAqparat tilshisi.

«2019 jyldyń jarty jyly men 2020 jyldyń jartyjyldyǵynyń qorytyndysy boıynsha, pnevmonııadan kóz jumǵandardyń statıstıkasyn salystyrsaq, osy alty aı ishinde qaıtys bolǵandardyń sany asa kóbeıgen joq. 2019 jyldyń alǵashqy jartyjyldyǵynda ólim-jitimniń - 1780, al 2020 jyldyń alǵashqy jarty jylynyń qorytyndysy boıynsha - 1772 jaǵdaıy tirkeldi. Al osy jyldyń maýsym aıynda pnevmonııadan qaıtys bolǵandardyń sany 628-ge jetti. Pnevmonııamen aýyrý jaǵdaıyna kelsek, bıylǵy alty aıda 55 protsenttik ósim baıqalady. Al maýsymda bul kórsetkish tipti tórt ese ósken», - dedi Aıjan Esmaǵambetova OKQ-da ótken baspasóz máslıhatynda.

QR bas memlekettik sanıtar dárigeri qazir bul jaǵdaıǵa qatysty Densaýlyq saqtaý mınıstrligi zertteý jumystaryn júrgize bastaǵanyn aıtyp ótti.


Joǵary qaraı