Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda memqyzmetter kórsetý sapasynyń qoǵamdyq monıtorıngi júrgizilýde

2021 jyldyń 23 qyrkúıek 2021 09:20

NUR-SULTAN. QazAqparat - Qazaqstan Respýblıkasy memlekettik qyzmet isteri agenttiginiń memlekettik áleýmettik tapsyrysy aıasynda «Zor rýh» qaıyrylymdylyq qorymen aǵymdaǵy jylda memlekettik qyzmetter kórsetý sapasynyń qoǵamdyq monıtorıngi júrgizilýde. Bul týraly QazAqparat atalmysh qordyń baspasóz qyzmetine silteme jasap habarlaıdy.

Joba maqsaty – kórsetilgen memlekettik qyzmetterdiń sapasyna, qoljetimdiligine jáne kórsetilý tártibine qatysty qyzmet alýshylardyń qanaǵattanýshylyq dengeıin, sondaı-aq 2021 jyly memlekettik qyzmetterdi kórsetý barysynda týyndaıtyn máselelerdi anyqtaý.

Joba barysynda, elimizdiń barlyq aımaqtarynda turatyn keminde 12 000 qyzmet alýshyny qamtý josparlanǵan. Barlyq memlekettik organdarmen jáne HQO-men kórsetiletin 75 memlekettik qyzmettin sapasy men qoljetimdiligi jónindegi tulǵalardyń pikirleri, qyzyǵýshylyqtary, usynystary men qalaýy taldanatyn jáne tirkeletin bolady. Taldaý eń aýqymdy, problemalyq (bıýrokratııalyq, sybaılas jemqorlyq, oryndaý merzimniń buzylýy, shaǵymdar jáne t.b.) jáne áleýmettik mańyzy bar memlekettik qyzmetterdi qamtıtyn bolady.

Ákimshilik kedergilerdi anyqtaǵannan keıin jáne memlekettik organdardan qyzmet alý kezinde qyzmet kórsetýshilerge senim deńgeıin zerttegennen keıin eń osal oryndar anyqtalady. Baqylaý barysynda, memlekettik qyzmetti alý kezindegi áleýmettik shıelenis dengeıin zertteý, halyqtyń memleketten naqty qyzmet alý týraly habardar bolý deńgeıin anyqtaý josparlanýda.

Qoǵamdyq monıtorıng nátıjesinde memlekettik qyzmet kórsetý rásimin jetildirý, olardy usyný men jikteý boıynsha bıznes protsesterdi avtomattandyrý týraly usynystar ázirlenedi.

Sonymen birge, aǵymdaǵy jyly qoǵamdyq monıtorıng onlaın pishiminde de ótkizilýde. Osylaısha, qyzmet alýshylarǵa jeke túrde onlaın – saýalnamany ótý usynysy jáne arnaıy platformaǵa siltemesi bar SMS joldanady. SMS joldamada kórsetilgen merzimde onlaın saýalnamany toltyrmaǵan tulǵalar, saýalnamaǵa telefon arqyly qatysa alady.

Memlekettik qyzmetterdi kórsetý sapasyn arttyrýǵa óz úlesin qosqysy keletin qazaqstandyqtar +7 700 000 08 56 nómirine habarlasyp, onlaın saýalnamaǵa qatysa alady.


Basty sózder: Qoǵam, QR Memlekettik rámizderi,
Joǵary qaraı