Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda mınıstrlikterdegi jaýapty hatshylar ınstıtýty resmı túrde joıyldy

2021 jyldyń 20 qańtar 2021 13:50

NUR-SULTAN. QazAqparat - Qazaqstanda mınıstrlikterdegi jaýapty hatshylar ınstıtýty resmı túrde joıyldy, dep habarlaıdy QazAqparat QR Memlekettik qyzmet isteri agenttiginiń baspasóz qyzmetine silteme jasap.

2021 jylǵy 18 qańtarda Memleket Basshysy Qasym-Jomart Toqaev «Qazaqstan Respýblıkasy Prezıdentiniń keıbir jarlyqtaryna ózgerister men tolyqtyrýlar engizý jáne Qazaqstan Respýblıkasy Prezıdentiniń keıbir jarlyqtarynyń kúshi joıyldy dep taný týraly» Jarlyqqa qol qoıdy.

Jarlyq Prezıdenttiń 2020 jylǵy 1 qyrkúıektegi Qazaqstan halqyna Joldaýynda jaýapty hatshylar ınstıtýtyn taratý jónindegi tapsyrmasyn oryndaý maqsatynda qabyldanǵan zańdardy iske asyrý úshin ázirlendi.

Osynyń aldynda «Qazaqstan Respýblıkasynyń Úkimeti týraly» Konstıtýtsııalyq Zańynan jaýapty hatshylardyń mártebesi men ókilettikterin retteıtin normalar alynyp tastalyp, apparat basshylaryna qatysty normalar «Memlekettik qyzmet týraly» Zańymen bekitilgen bolatyn. Sondaı-aq, apparat basshysy men mınıstr arasynda laýazymdyq ókilettikter men jaýapkershiliktiń arajigin ajyratý boıynsha tıisti zańnamalyq túzetýler engizildi.

Osyǵan baılanysty, jaýapty hatshylardyń ókilettikterin mınıstrlikter apparattarynyń basshylaryna júkteýdi kózdeıtin Prezıdenttiń birqatar jarlyqtaryna tıisti túzetýler engizildi.

Sondaı-aq, Jarlyqpen «Qazaqstan Respýblıkasy ortalyq atqarýshy organynyń jaýapty hatshysynyń mártebesi men ókilettikteri týraly» Jarlyq, «A» korpýsynyń memlekettik ákimshilik qyzmetiniń kadr rezervine irikteý qaǵıdalary, «A» korpýsynyń memlekettik ákimshilik qyzmetiniń kadr rezervin qalyptastyrý Qaǵıdalary jáne «A» korpýsynyń memlekettik ákimshilik laýazymyna ornalasýǵa konkýrs ótkizý qaǵıdalary joıylýǵa qoıyldy.

Jarlyq alǵashqy resmı jarııalanǵan kúninen bastap qoldanysqa engiziledi.



Joǵary qaraı