Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qazaqstanda múgedekterge tólenetin járdemaqynyń ortasha mólsheri - 48 myń teńge

2021 jyldyń 13 shilde 2021 11:30

NUR-SULTAN. QazAqparat - Qazaqstandyqtarǵa múgedektik jáne asyraýshysynan aıyrylý jaǵdaıy boıynsha járdemaqy túrinde 195 mlrd teńgeden astam qarajat tólendi, dep habarlaıdy QazAqparat.

2021 jylǵy qańtar-maýsym aılary aralyǵynda respýblıkalyq bıýdjetten múgedektigi boıynsha memlekettik áleýmettik járdemaqy tóleýge 154,4 mlrd teńge, asyraýshysynan aıyrylý jaǵdaıyna áleýmettik járdemaqy tóleýge 41,3 mlrd teńge baǵyttaldy.

2021 jylǵy 1 shildedegi jaǵdaı boıynsha múgedektigi boıynsha memlekettik áleýmettik járdemaqy alýshylardyń sany 526 myń adamdy, asyraýshysynan aıyrylý jaǵdaıy boıynsha 171 myń adamdy quraıdy.

2021 jyldyń maýsym aıynda respýblıkalyq bıýdjetten múgedektigi boıynsha memlekettik áleýmettik járdemaqy tóleýge 25,6 mlrd teńge, asyraýshysynan aıyrylý jaǵdaıy boıynsha áleýmettik járdemaqy tóleýge 6,9 mlrd teńge jumsaldy.

Múgedektigi boıynsha memlekettik áleýmettik járdemaqylardyń mólsheri múgedektiktiń tobyna jáne sebebine, sondaı-aq tıisti qarjy jylyna arnalǵan «Respýblıkalyq bıýdjet týraly» zańda belgilenetin eń tómen kúnkóris deńgeıiniń shamasyna baılanysty bolady.

Asyraýshysynan aıyrylý jaǵdaıy boıynsha memlekettik áleýmettik járdemaqylardyń mólsheri qaıtys bolǵan asyraýshysynyń asyraýyndaǵy adamdardyń sanyna, sondaı-aq tıisti qarjy jylyna arnalǵan «Respýblıkalyq bıýdjet týraly» zańda belgilenetin eń tómen kúnkóris deńgeıiniń shamasyna baılanysty belgilenedi.

2021 jylǵy 1 shildedegi jaǵdaı boıynsha múgedektigi boıynsha memlekettik áleýmettik járdemaqynyń ortasha mólsheri 48 701 teńgeni, asyraýshydan aıyrylý jaǵdaıy boıynsha memlekettik áleýmettik járdemaqynyń ortasha mólsheri 40 225 teńgeni qurady.


Joǵary qaraı